দ্বি’লম্বর বিররণ 3:25 - Chakma Bible

²⁵ যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।

দ্বি’লম্বর বিররণ 3:25 ပူးပေါင်းရင်းမြစ်များ

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

গণাণা 32:5

যুনি আমা উগুরে তর্‌ দোয়্যে অয় সালে তর্‌ এই চাগরুনোরে এই জাগায়ানি সোম্বোত্তি ইজেবে দে। যর্দন গাঙর্‌ উইপারত্‌ আমারে লোই ন-যেবে।”

দ্বি’লম্বর বিররণ 3:26

মাত্তর্‌ তমাত্তে লগেপ্রভু মঅ উগুরে বেজার্‌ অনায়্‌ মঅ কধাগান্‌ তে ন-শুনিলো। তে কলদে, জদবদে ওইয়্যে। এ পৌইদ্যেনে মরে আর ন-কোইয়ো।