দ্বি’লম্বর বিররণ 3:24 - Chakma Bible

²⁴ ও প্রভু লগেপ্রভু, তুই যে কত্তমান্‌ দাঙর্‌ আর বোলী সিয়েন্‌ তর্‌ চাগর্‌বোরে দেগেবাত্তে আরাম্ভ গোজ্যস্‌। স্বর্গত্‌ বা পিত্‌থিমীত কনঅ দেবেদা আগন্‌ নাহি, তুই যেদক্কানি কাম্‌ গোজ্যস্‌ সিয়েনি গুরি পারন্‌ আর তুই যে বল্‌ দেগেয়োচ্‌ সিয়েনি দেগেই পারন?

দ্বি’লম্বর বিররণ 3:24 ပူးပေါင်းရင်းမြစ်များ

২ শমূয়েল 7:22

ও লগেপ্রভু গোজেন, তুই কত্তমান দাঙর্‌! তঅ ধোক্ক্যেন্ আর কনজন নেই আর তুই বাদে অন্য কনঅ গোজেন নেই; সে কধানি আমি নিজো কানানিলোই শুন্যেই।

২ বংশধর 6:14

ও লগেপ্রভু, ইস্রায়েল গোজেন, স্বর্গত্‌ বা পিত্‌থিমীত্‌ তঅ ধোক্ক্যেন গোজেন আর কনজন নেই। তর্‌ যে চাগরুনে মনে-পরাণে তঅ পধেদি আদন্‌ তুই তারা পক্ষেন্দি তর্‌ অমকদ কোচ্‌পানার্‌ সুদোমান্‌ রোক্ষ্যে গুরি থাচ্‌।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 106:2

লগেপ্রভুর্ দোল্ দোল্ কামর কধানি কন্না কোই পারে? তার বাঈনী গরানালোই ভরা কধাগান ফগদাঙ্ গরে এবাবোত্যে সাধ্য কার্?

গীতসংহিতা 145:3

লগেপ্রভু দাঙর্ আর বেক্কুনোত্তুন্ বেজ্ নাঙ্ গিনে হেবার্ যগাজ্যে; কনজনে তার গমান্ ন-বুঝোন্।

গীতসংহিতা 145:6

মান্‌জ্যে তর্ দর্‌গরেপারা আমক্ অবার কামানির খেমতার কধানি কবাক্, আর মুই তর্ গম্ গম্ কধানি ফগদাং গুরিম।

গীতসংহিতা 150:2

তার খেমতাবলা কামানিত্তে তারে নাঙ্ গিনো, তার থুম্ ন-ওইয়্যে গম্ কামানিত্তে তারে নাঙ্ গিনো।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 71:19

ও গোজেন, তর্ ন্যায়র কামান যেন দেবাবো ইদু লুম্মেগোই; বেক দাঙর্ কামানি তুই গোজ্যস্; ও গোজেন, তর্ সং সং আর কন্না আঘে?

গীতসংহিতা 86:8

ও প্রভু, দেবেদাগুনো ভিদিরে তঅ ধোক্ক্যেন্ কনজন নেই; তঅ কামানির সমারে অন্য কনঅ কামর তুলনা ন-অয়।

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 89:8

ও লগেপ্রভু, বেগত্তুন খেমতাবলা গোজেন, কন্না আগে তঅ ধোক্ক্যেন খেমতাবলা, ও লগেপ্রভু? তর্ বিশ্বেজ্‌ছানে তরে ঘিরি আঘে।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 8:10

জোবত্‌ ফরৌণে কলঅ, “সালে সিয়েন কেল্যে ওক্‌।” মোশি কলঅ, “সিয়েনই অবঅ। সেক্কে তুই বুঝি পারিবে, আমা গোজেন লগেপ্রভু ধোক্ক্যেন কনজন্‌ নেই।

যাত্রা 9:14

ইয়েন পরেদি তমা উগুরে আর তমা কামগুরিয়েগুন্‌ আর মানুচ্চুনো উগুরে মুই মর্‌ নানান বাবোত্যে আঘাত পাধেই দিম। সেক্কে তুই বুঝি পারিবেদে, গোদা পিত্‌থিমীয়ানত্‌ মঅ ধোক্ক্যেন কনঅ জন নেই।

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিরমিয় 10:6

ও লগেপ্রভু, তঅ ধোক্ক্যেন আর কনজন নেই; তুই মহান, তুই খেমতালোই বোলী।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

গণাণা 23:23

যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’

দ্বি’লম্বর বিররণ 11:2

এচ্চ্যে তুমি মনত্‌ রাগেয়ো, মুই এদক্কানি কধা তমারে কঙর্‌, তমা ঝি-পূঅগুনো ইদু ন-কঙর্‌, কিত্যে তারা তমার্‌ গোজেন লগেপ্রভুর সাজা দেনার্‌ কামান ন-জানন্‌ ন-য়ো দেগন্‌। তারা তার্‌ মহিমাগান্ আর তার্‌ বাড়েই দিয়্যে দরমর্‌ আর বোলী আঢ্‌তান্‌ ন-দেগন্‌।

দ্বি’লম্বর বিররণ 3:23

সে অক্তত্‌ মুই লগেপ্রভুরে কোজোলী গুরিনে কোইয়োং,

দ্বি’লম্বর বিররণ 32:3

মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।