দ্বি’লম্বর বিররণ 3:21 - Chakma Bible

²¹ সে অক্তত্‌ মুই যিহোশূয়রে কলুং, তমা গোজেন্‌ লগেপ্রভু এ দ্বিজন রাজার্‌ অবস্থা কি গোজ্যে সিয়েন্‌ দঅ তুমি নিজো চোগেদি দেখ্য। তুমি যিয়েনত যর্‌ সে জাগানর্‌ বেক্‌ রেজ্যগানির্‌ অবস্থায়ো লগেপ্রভু সেধোক্ক্যেন গুরিবো।

দ্বি’লম্বর বিররণ 3:21 ပူးပေါင်းရင်းမြစ်များ

গীতসংহিতা 9:10

যিগুনে তরে হবর্ পান তারা যেনে তঅ উগুরে বিশ্বেজ্ গরন্, কিয়া ও লগেপ্রভু, যিগুনে তরে গভিন্ গুরিনে জানিবাত্তে চান্ তারারে তুই কনদিন্‌‌অ ছাড়ি ন-যাজ্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

দ্বি’লম্বর বিররণ 3:20

লগেপ্রভু যেদকদিন সং তমা ধোক্ক্যেন গুরি তমার্‌ ভেইয়ুনোরেয়ো জিরেবার্‌ সুযোগ নঅ-দে আর যর্দনর্‌ উই পারত্‌ যে দেজ্‌ছান তমা গোজেন লগেপ্রভু তারারে দিবাত্তে যার্‌ সিয়েন্‌ তারা অধিকার্‌ ন-গুরিনে সেদকদিন সং তমাত্তুন্‌ যুদ্ধো গুরিনে যাহ্ পুরিবো। সে পরেন্দি এই যে জাগা-জোমিগানি তমারে দিয়্যে অলঅ ইয়েনত্‌ তুমি ফিরি এই পারিবা।

দ্বি’লম্বর বিররণ 3:22

তুমি তারারে ন-দোরেয়ো; তমা গোজেন্‌ লগেপ্রভু নিজে তমার্‌ ওইনে যুদ্ধো গুরিবো।

দ্বি’লম্বর বিররণ 7:19

তমা গোজেন লগেপ্রভু যেদক্কানি জদবদে পোরোক্ষেলোই, আমক্‌ অবার্‌ কাম্‌ আর চিহ্নোলোই আর তার্‌ দরমর আর খেমতাবলা আঢ্‌তোই তমারে নিগিলেই আন্যে সিয়েন্‌ দঅ তুমি নিজোর্‌ চোগেদি দেক্কো। তুমি ইক্কিনে যিদুক্কুন্‌ জাদরে দেগিনে দরর্‌ তারা উগুরেয়ো তে সেধোক্কেন্‌ গুরিবো।

যিহোশূয় 10:25

যিহোশূয় তারারে কলঅ, “তুমি ন-দোরেয়ো, আশা ন-আরেয়ো। তুমি বোলী অ আর মনত্‌ সাহস আনঅ। তুমি যিদুক্কুন শত্রুর্‌ লগে যুদ্ধো গুরিবাত্তে যেবা তারার বেক্কুনোর অবস্থা লগেপ্রভু এ দোক্ক্যেন্‌ গুরিবো।”