দ্বি’লম্বর বিররণ 3:18 - Chakma Bible

¹⁸ সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 3:18 ပူးပေါင်းရင်းမြစ်များ

পত্থম 15:7

লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

গীতসংহিতা 136:21

তে তারা দেশচানত্ বজত্তি গুরিবাত্তে দি দিলো; - তার কোচ্‌পানাগান উমরত্তে থিদেবর্ গোজ্যে-

গণাণা 33:53

পরেদি তুমি সেই দেজ্‌চান্‌ গজক্ গুরি নেযেইনে সিয়েনত্‌ বজত্তি গুরিবা কিত্যে গজক্ গুরিবাত্তে দেজ্‌চান মুই তমারে দুয়োং।

দ্বি’লম্বর বিররণ 12:1

তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 15:4

যুনি তুমি পুরোপুরি গুরিনে তমার গোজেন লগেপ্রভুর কধালোই বাধ্য থাগ আর এচ্চ্যে মুই তমারে যেদক্কানি উগুম দুয়োঙর্‌ সিয়েনি মানি চলিবাত্যে মন দুয়ো, সালে হামাক্কায় তমা ভিদিরেত্তুন কনজনে নাঢা থেবার কধা নয়, কিত্যে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার সিয়েনত্‌ তে তমারে বোউত্‌ আশিদবাদ গুরিবো।

দ্বি’লম্বর বিররণ 19:14

তমার গোজেন লগেপ্রভু যে দেজ্‌ছান গজক্ গুরিবাত্তে তমারে দের্‌ সিয়েনত্‌ তমা পুরোণি মানুচ্চুনোর রাগেয়্যে কনঅ দুঝির-চিহ্নো তুমি ন-সোরেবা।

দ্বি’লম্বর বিররণ 19:2

সেক্কে সোম্বোত্তি ইজেবে তমার গোজেন লগেপ্রভুর দিয়্যে গোদা দেজ্‌ছান তুমি তিন ভাগে ভাগ গুরি নেযেবা। সিয়েন ভিদিরেত্তুন আশ্রয়-শঅর ইজেবে তিনেন্ শঅর তুমি যুদো গুরি নেযেবা আর সিয়েনত যেবার পথ্‌তান যুক্কোল গুরি নেযেবা। সালে কনজনে যুনি কারঅ আঢত্‌ মারা পড়ন্‌ সালে যে মাজ্যে তে তার্‌ কায়-কুরে আশ্রয়-শঅরত্‌ ধেই যেই পারিবো।

দ্বি’লম্বর বিররণ 19:7

সেনত্যে মুই তমার নিজোত্যে তিনেন্‌ শঅর যুদো গুরি রাগেবার উগুম্‌ দুয়োঙর।

দ্বি’লম্বর বিররণ 21:1

তমার গোজেন লগেপ্রভু যে দেজ্‌ছান গজক্ গুরিবাত্তে তমারে দিবাত্তে যার্‌ সিদুগোর্‌ কনঅ মাদত্‌ অয়ত কাররে খুন্‌ ওইনে পড়ি থাগদে দেগা যায়, মাত্তর্‌ কন্না তারে খুন গোজ্যে সিয়েন্‌ জানা নেই।

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

দ্বি’লম্বর বিররণ 5:31

মাত্তর্‌ তুই ইয়োত্‌ মইদু থাক। মুই তরে সে বেক্‌ উগুমানি, আইন আর সুদোমানি দিম্‌ যিয়েনি তত্তুন্‌ তারারে শিগা পুরিবো, যেনে গজক্ গুরিবাত্তে যে দেজ্‌ছান মুই তারারে দিবাত্তে যাঙর্‌ সিদু তারা সিয়েনি পালন গুরিনে চলন্‌।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 9:6

সেনত্যেই তুমি মনত্‌ রাগেয়ো, তুমি ধার্মিক বিলিনেই যে তমার গোজেন লগেপ্রভু এ দোল্‌ দেজ্‌ছান তমারে গজক্ গুরিবাত্তে দের্‌ সিয়েন নয়। তুমি দঅ এক্কো একবুস্যে জাদ্।

যিহোশূয় 1:11

“তুমি তাম্বুলোত্‌ যেইনে মানুচ্চুনোরে কগোই যেনে তারা তারার হানা-দানানি নিইনে যুক্কোল্‌ থান্‌। তারার গোজেন লগেপ্রভু যে দেজ্‌চান তারারে সোম্বোত্তি ইজেবে দিবাত্তে যার্‌ সিয়েনত যেইনে সিয়েনি গজক্ গুরি নেযেবাত্তে তিন দিনো ভিদিরে তারারে ইয়োত্তুন যর্দন গাঙান্‌ পার ওই যাহ্ পুরিবো।”