দ্বি’লম্বর বিররণ 3:13 - Chakma Bible

¹³ গিলিয়দ দেজর্‌ বাদবাগি ভাগ্‌কান্‌ আর রাজা ওগরে পুরো বাশন রেজ্যগান মুই মনঃশি-গুট্টির অদ্দেক মান্‌জ্যরে দিলুং। বাশন ভিদিরে বেক্‌ অর্গোব চাগালাগান্‌ রফায়ীগুনোর দেজ্‌ বিলিনে কুয়ো অদঅ।

দ্বি’লম্বর বিররণ 3:13 ပူးပေါင်းရင်းမြစ်များ

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

দ্বি’লম্বর বিররণ 29:7

তুমি এ জাগানত্ লুমোনার পরেন্দি হিষ্‌বোনোর রাজাবো সীহোনে আর বাশনর রাজাবো ওগ আমা সমারে যুদ্ধো গুরিবাত্তে নিগিলি এচ্চ্যে, মাত্তর্‌ আমি তারারে অদেই দিয়্যেই।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।

দ্বি’লম্বর বিররণ 3:14

যায়ীর নাঙে মনঃশির এক্কো বংশধর গশূরীয় আর মাখাথীয়গুনোর দুঝি সং পুরো অর্গোব চাগালাগান্‌ কারি লোইনে নিজোর্‌ নাঙ্‌ মজিম সিয়েনর্‌ নাঙান্‌ রাগেয়্যে। সেনত্তেই ইক্কিনে বাশনরে হব্বোৎ-যায়ীর বিলিনে কুয়ো অদঅ।

দ্বি’লম্বর বিররণ 3:4

সে অক্তত্ আমি তার্‌ বেক্‌ আদামানি আর শঅরানি গজক্ গুরি নেযেয়্যেই। তার্‌ ষায়েট্টান শঅর বেক্কানি আমি গজক্ গুরি নেযেয়্যেই; এক্কান বাদ ন রাগেই। গোদা অর্গোব চাগালাগান, অত্তাৎ বাশন ভিদিরে ওগর গোদা রেজ্যগান আমি গজক্ গুরি নেযেয়্যেই।