দ্বি’লম্বর বিররণ 3:11 - Chakma Bible

¹¹ রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

দ্বি’লম্বর বিররণ 3:11 ပူးပေါင်းရင်းမြစ်များ

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

পত্থম 6:15

জাহাজ্‌চান্‌ তুই এধোক্ক্যেনগুরি বানেবে, সিয়েন লাম্বায় অবঅ তিনশ আত্‌, পাদাজ্যে পঞ্চাশ আত্‌, আর সিয়েনর্ অজলান্ অবঅ ত্রিশ আত্‌।

২ শমূয়েল 11:1

জারকালত্‌ যেক্কে রাজাগুনে সচরাসর্‌ যুদ্ধো গুরিবাত্তে নিগিলিদাক্‌ সেক্কে দায়ূদেয়ো যুদ্ধো গুরিবাত্তে যোয়াবরে আর তার্‌ অন্য সেনাপতিগুনোরে আহ্ বেক্‌ ইস্রায়েলীয় সৈন্যগুনোরে পাধেই দিলো। তারা অম্মোনীয়গুনোরে ভস্ত গুরিনে রব্বা শঅরান্‌ ঘিরিলাক্‌। মাত্তর্‌ দায়ূদে যিরূশালেমদই থেলঅ।

২ শমূয়েল 12:26

ইন্দি যোয়াবে অম্মোনীয়গুনোর রাজধানী রব্বা শঅরান্‌ আক্রমণ গুরিনে গজক্ গুরি নেযেল।

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিহিষ্কেল 21:20

লাম্বা ছুরিগানত্তে অম্মোনীয়গুনোর রব্বা শঅর বিরুদ্ধে যেবার এক্কান পদথ্ আর যিহূদা আর দেবাল-ঘিজ্যে যিরূশালেমর বিরুদ্ধে যেবার অন্য এক্কান পদথ্ চিহ্নো দুয়ো,

যিহিষ্কেল 25:5

মুই রব্বা শঅরানরে উট রাগেবার জাগা আর অম্মোন দেজছানরে ভেড়া জিরেবার জাগা বানেম। সেক্কে তুমি হবর্ পেবা, মুয়ই লগেপ্রভু।

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

দ্বি’লম্বর বিররণ 2:11

অনাকীয়গুনো ধোক্ক্যেন এমীয়গুনোরেয়ো রফায়ীয় কুয়ো অদঅ মাত্তর্‌ মোয়াবীয়গুনে তারারে কদাক্ এমীয়।

দ্বি’লম্বর বিররণ 2:20

সেই দেজ্‌ছানরে রফায়ীগুনোর্‌ দেজ্‌ বিলিনেয়ো মনে গরা অদঅ, কিত্যে সিদু তারা আগে বজত্তি গুরিদাক; অম্মোনীয়গুনে তারার্‌ সম্‌সুম্মীয় জাদর্‌ মানুচ্‌ কদাক্‌।

যিহোশূয় 12:4

রফায়ীয়গুনো ভিদিরে যিগুনে বাঁজি এলাক্‌ বাশনর রাজা ওগ এলদে তারা ভিদিরে একজন। তে অষ্টারোৎ আর ইদ্রিয়ীতত্তুন রাজাগিরি গুরিদো।

যিহোশূয় 13:12

ইয়েন এলদে বাশনর রাজা ওগর রেজ্য। তে অষ্টারোৎ আর ইদ্রিয়তত্তুন্‌ রাজাগিরি গুরিদো। রফায়ীয়গুনো ভিদিরে সেক্কেয়ো যিগুনে বাঁজি এলাক্‌ তে এলদে তারা ভিদিরে একজন। মোশি তারারে ওদেই দিইনে তারার্‌ দেজ্‌চান্‌ গজক্ গুরি নিলো।

ফগদাং পেইয়্যে 21:17

যেরেদি তে দেবালান্ মাবিলে পরেদি সিয়েন অজলদি অলঅ একশ চৌচোল্লিশ্ আঢ্। মান্‌জ্যে যেধোক্ক্যেন গুরি মাবন্ সেই স্বর্গদূত্‌তো সেধোক্ক্যেন গুরি মাপ্প্যে।

১ শমূয়েল 17:4

পলেষ্টীয়গুনোর পক্ষত্তুন্‌ গলিয়াৎ নাঙে এক্কো বীর যোদ্ধা তারার সৈন্যদলত্তুন্‌ নিগিলি এলঅ। তে এলদে গাৎ শঅরর্‌ মানুচ্‌। লাম্বান্দি তে এলদে সাড়ে ছয় আত্‌।