দ্বি’লম্বর বিররণ 29:9 - Chakma Bible

⁹ সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 29:9 ပူးပေါင်းရင်းမြစ်များ

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

২ বংশধর 20:13

সে অক্তত্‌ যিহূদার বেক্‌ মানুচ্চুনে তারার্‌ মোক্‌, ঝি-পুয়োগুনে আর চিগোন্‌ পুয়োগুনোরে লোইনে সিদু লগেপ্রভুর মুজুঙোত্‌ থিয়্যেই এলাক্‌।

২ বংশধর 31:21

গোজেনর আওজ্ মজিম্‌ আদিবাত্তে গোজেনর্‌ ঘরর্‌ কামত্‌ আর রীদি-সুুদোম পালানা পৌইদ্যেনে তে যে কামানি গুরিদো সাৎ সিয়েনি বেক্কানি মন্‌ দিইনে গুরিলো, আর সেনত্তেই তে ফোলেল।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 29:10

তমার গোজেন লগেপ্রভুর মুজুঙোত্‌ এচ্চ্যে তুমি বেক্কুনে এইনে থিয়েইয়্য-থিয়্যেইয়োন্‌ তমার সদ্দারুনে আর নেতাগুনে, তমার বুড়ো নেতাগুনে আর চাগর-বাগরুনে আহ্‌ অন্য বেক্‌ ইস্রায়েলীয়গুনে।

দ্বি’লম্বর বিররণ 31:12

মরদ, মিলে, ঝি-পূঅ আর তমার নানান্‌ আদামর আহ্‌ শঅরর নানান্‌ জাদর্‌ মানুচ্চুনোরে ডাগিনে তুমি একলগে এগত্তর গুরিবা, যেনে তারা সিয়েনি শুনোন আর তমার গোজেন লগেপ্রভুরে ভোক্তি গুরিবাত্তে শিগোন্‌ আর এই রীদি-সুদোমর্ বেক্‌ কধানি দোলেডালে পালন গরন্‌।

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

দ্বি’লম্বর বিররণ 5:3

সে সুদোমান্ তে আমা পুরোণি মানুচ্চুনো ইদু ন-দে, দিয়্যেদে আমা ইদু, এচ্ছ্যে আমি যিগুনে ইয়েনত্‌ বাঁজি আগিই আমা বেক্কুনো ইদু।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

যিহোশূয় 24:1

ইয়েনর্ পরেদি যিহোশূয় ইস্রায়েলীয়গুনোর বেক্‌ গুট্টিগুনোরে শিখিমোত্‌ এক্কান্‌ জাগাত্‌ এগত্তর্‌ গুরিলো। তে ইস্রায়েলীয়গুনোর বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিলো। সেক্কে তারা গোজেনর্‌ মুজুঙোত্‌ আঝিল্ অলাক্‌।

যিহোশূয় 8:35

মোশি এ পৌইদ্যেনে যেদক্কানি উগুম দিয়্যে তার এক্কো শব্দয়ো বাদ ন-দিইনে যিহোশূয় পুরো ইস্রায়েল সমাজরে সিয়েন পোড়েই শুনেল। এ সমাজ ভিদিরে মিলে, পূঅ-ঝি আর তারা ভিদিরে বজত্তি গোজ্যে অন্য জাদর্ মানুচ্চুনেয়ো এলাক্‌।