দ্বি’লম্বর বিররণ 29:2 - Chakma Bible

² মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

দ্বি’লম্বর বিররণ 29:2 ပူးပေါင်းရင်းမြစ်များ

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যাত্রা 8:12

এ কধাগান্‌ কোইনে মোশি আর হারোণে ফরৌণ ইত্তুন্‌ গেলগোই। ফরৌণ উগুরে লগেপ্রভু যে বেঙর্‌ বানাগান্‌ আন্যে সে পৌইদ্যেনে মোশি লগেপ্রভু ইধু কানা-কুদি গুরিলো।

যিশাইয় 42:20

তুই ভালোক্কানি দেগিনেয়ো মনান্ ন-দুয়োর; তঅ কানান্ খুলো থেলেয়ো কিচ্চু ন-শুনোর্।”

দ্বি’লম্বর বিররণ 1:30

তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

দ্বি’লম্বর বিররণ 11:7

মাত্তর্‌ লগেপ্রভুর এ বেক্‌ দাঙর্‌ দাঙর্‌ কামানি তুমিই নিজের্‌ চোগেদি দেক্কো।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 29:3

তারার সেই দাঙর পোরোক্কেগান্‌ আর লগেপ্রভুর দেগেয়্যে আমক অবার চিহ্নোগানি আর তার দাঙর্‌ দাঙর্‌ আমক অবার্‌ কামানি তুমি নিজোর্ চোগেদি দেক্কো।

যিহোশূয় 24:17

আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।