দ্বি’লম্বর বিররণ 28:8 - Chakma Bible

⁸ তমার গোলাঘর উগুরে লগেপ্রভুর আশিদ্‌বাদ থেবঅ আর যে কামানিত্‌ তুমি আত্ দিবা সিয়োদোই তে আশিদ্‌বাদ গুরিবো। তমার গোজেন লগেপ্রভু তার দিয়্যে দেজত্‌ তমারে আশিদ্‌বাদ গুরিবো।

দ্বি’লম্বর বিররণ 28:8 ပူးပေါင်းရင်းမြစ်များ

২ রাজাবলী 6:27

জোবত্‌ রাজা কলঅ, “লগেপ্রভু যুনি বল্‌ ন-দে সালে মুই কুত্তুন্‌ তরে বল্‌ দিম্‌? খামারত্তুন্‌, না আংগুর মারেদে কলত্তুন্‌?”

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 128:2

তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 144:13

আমা গোলা ঘরানি যেন নানান্ বাবোত্যে হানালোই ভরা থায়; আমা ভেড়াগুনে যেন মাদত্ আজার্ আজার্, লাখ্ লাখ্ ছঅ পুদোন্।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 44:4

ও গোজেন, তুয়ই মর্ রাজা; যাকোবর জিদেনার বেবস্থাগান তুয়ই গর্।

লেবীয় 25:21

ইয়েনর উত্তোর্‌ অলঅ ছয় বজরত্‌ মুই তমারে এমনগুরি বর্ দিম যেনে সে বজরত্‌ তিন বজর্‌ চুলি পারদে ধোক্ক্যেন ফসল অয়।

লেবীয় 26:10

নূয়ো শোজ্য রাগেবাত্তে গোলাঘর খালি গুরিবার্‌ অক্তত্‌অ আগ বজরর্‌ শোজ্যত্তুন্‌ তমার্‌ খা পুরিবো।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

মথি লেখ্যে গম্ হবর্ 13:30

শোজ্য কাবিবার অক্ত সং ইগুনোরে একসমারে বাড়িবাত্তে দুয়ো। যিগুনে শোজ্য কাবন্, মুই সেক্কে তারারে কোম্ যেন তারা পত্তমে লেঙেরা ঘাস্‌চানি থুবেইনে পুড়িবাত্তে বনা বনা গুরি বানন্, আর সে পরেদি গমুন্ মঅ গোলা ঘরত্ তুবোন্।’ ”

মথি লেখ্যে গম্ হবর্ 6:26

আগাজ পেক্কুনো ইন্দি রিনি চঅ; তারা বীজি ন-ফেলান্, ন-কাবন্, গোলাঘরত্অ ন-থুবোন্, আর তো তমা স্বর্গর বাপ্পো তারারে হাবেই থায়। তুমি কি তারাত্তুন্অ বেশ্ আরঅ দামী নয়?

লূকে লেখ্যে গম্ হবর্ 12:18

থিগ্ আঘে, মুই এক্কান কাম্ গুরিম্। মর্ গলাঘরানি ভাঙিনে দাঙর্ দাঙর্ গলাঘর্ বানেম্ আর মর্ বেক্‌ শোজ্যগুন আর ধনুন্ সিধু থোম্।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

দ্বি’লম্বর বিররণ 15:4

যুনি তুমি পুরোপুরি গুরিনে তমার গোজেন লগেপ্রভুর কধালোই বাধ্য থাগ আর এচ্চ্যে মুই তমারে যেদক্কানি উগুম দুয়োঙর্‌ সিয়েনি মানি চলিবাত্যে মন দুয়ো, সালে হামাক্কায় তমা ভিদিরেত্তুন কনজনে নাঢা থেবার কধা নয়, কিত্যে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার সিয়েনত্‌ তে তমারে বোউত্‌ আশিদবাদ গুরিবো।

দ্বি’লম্বর বিররণ 28:20

ভান্ন্যেই কামানি গুরিনে লগেপ্রভুরে ফেলে যেবার অপরাধে তমার বেক্‌ কামানিত্‌ তে তমারে অভিশাব্ দিবো, যাগুলুগোত্‌ ফেলেব আর ঘিনেব, যিয়েনর কারনে তুমি ক্ষয় যাদে যাদে কম্‌ সময়ো ভিদিরে শেজ্‌ ওই যেবা।

দ্বি’লম্বর বিররণ 28:7

যিগুনে শত্রু ওইনে তমার বিরুদ্ধে থিয়্যেবাক লগেপ্রভু এমন্‌ গুরিবো যেনে তারা তমা ইদু উদিই যান। তারা এক কিত্তেন্দি তমারে আক্রমন গুরিবাত্তে এইনে সাত কিত্তেন্দি ধেই যেবাক।