দ্বি’লম্বর বিররণ 28:68 - Chakma Bible

⁶⁸ মিসরত যানা পৌইদ্যেনে মুই তারারে কোইয়োং, সেই পথতানন্দি আর কনদিনঅ তমাত্তুন টেং দিয়্যে ন-পুরিবো; মাত্তর্‌ লগেপ্রভু সেক্কে জাহাজত্‌ ভোরেইনে তমারে মিসরত ফেরৎ পাদেব। সিয়েনত্ তুমি চাগর আর চাগরানি ইজেবে শত্রুগুনো ইদু নিজোরে বিজি দিবাত্তে চেবা মাত্তর্‌ কনজনে তমারে ন-কিনিবাক্।”

দ্বি’লম্বর বিররণ 28:68 ပူးပေါင်းရင်းမြစ်များ

নহিমিয় 5:8

মুই কলুঙ্‌, “অযিহূদীগুনোর্‌ ইদু আমার্‌ যিদুক্কুন্‌ ভেই বেজা যেইয়োন্‌ যিদ্দুর্‌ সম্ভব্‌ তারারে আমি ছাড়িনে আন্যেই। আর ইক্কিনে তুমি তমা ভেইয়ূনোরে বিজিবাত্তে বাধ্য গোজ্য, যিয়েনর কারনে আমাত্তুন্‌ আরঅ তারারে কিনি নেযা পুরিবো।” এ কধাগান শুনিনে তারা জুরো গুরিনে থেলাক্‌, কিত্যে জোব্‌ দেদে ধোক্কেন্‌ তারা কনকিজু তোগেইনে ন-পেলাক্‌।

ইষ্টের 7:4

কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

যাত্রা 13:17

ফরৌণে যেক্কে ইস্রায়েলীয়গুনোরে বিদেয় গুরি দিলো সেক্কে গোজেনে তারারে পলেষ্টীয়গুনোর দেজ ভিদিরেদি ন-নেযেল, যুদিয়ো সিয়েন্‌ এলঅ‌ বেগত্তুন্‌ উজু পথ্‌। গোজেনে কোইয়্যেদে সেই দেজর্‌ ভিদিরেদি যেবার্‌ অক্তত্‌ যুদি তারা যুদ্ধো গরেদে অবস্থাত্‌ পড়ন্‌ সালে অয়ত মন্‌ বোদোলেনে তারা আরঅ‌ মিসর্‌ দেজত্‌ ফিরি যেবাক্‌।

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যিরমিয় 43:7

এবাবোত্যেগুরি তারা লগেপ্রভুর অবাধ্য ওইনে মিসরত্ সোমেলাক্ আর তফন্‌হেষ সং গেলাক্।

যিরমিয় 44:12

যিহূদার বাদবাগি যিদুক্কুন মানুচ্ মিসরত্ যেইনে বজত্তি গুরিবাক্ বিলিনে ঠিগ্ গোজ্যন্ তারা বিরুদ্ধে মুই এমন বেবস্থা গুরিম যেনে তারা বেক্কুনে মিসরত্ ভস্ত অয়। তারা বেক্কুনে যুদ্ধোত্ ন-অলে ভাদরাদত্ মুড়িবাক্। তারা অবাক্ ঠাট্টা-মশ্‌‌‌‌কারি আর ঈচ্ গরেদে মানুচ্; তারা অবস্থা দেগিনে মানুচ্চুনে আমক্ অবাক্, আর তারা নাঙানিলোই মানুচ্চুনে অভিশাব্ দিবাক।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

লূকে লেখ্যে গম্ হবর্ 12:45

মাত্তর্ যুনি সেই চাগর্‌‌‌বো নিজে মনে মনে কয় যে, মঅ গিরোজ্‌‌‌সো এত্তে দেরি গরের্। সেই সুযোগত্ যুনি তে অন্য চাগরুনোরে, মিলে আর মরদরে মার্‌‌‌পিট্ গরে, আর হানা-দানা গরানার্ পরেদি মাত্তল্ অলঅ।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।

দ্বি’লম্বর বিররণ 28:67

তুমি বেন্যেমাদান্ কবা, ‘সাজোন্যে ওক্‌,’ আর সাজোন্যেমাদান্ কবা, বেন্যে ওক্‌, কিত্যে তমার মনানি দরে ভরা থেবঅ আর চোক্কুনে বোউত্‌ কিজু দেগিবো।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।