দ্বি’লম্বর বিররণ 28:54 - Chakma Bible

⁵⁴ সেক্কে তমা ভিদিরে যে মানুচ্চো নরম খাচ্চ্যদর্ আর গম্‌ অবস্থায় মানুচ্‌ ওইয়্যে, তার্‌ মনান এধোক্ক্যেন অবদে, নিজো ভেইয়ো উগুরে, বা কোচ্‌পেইয়্যে মোগো উগুরে, বা জেদা ঝি-পূঅগুনো উগুরে তার্‌ কনঅ দোয়্যেমেয়্যে ন-থেবঅ।

দ্বি’লম্বর বিররণ 28:54 ပူးပေါင်းရင်းမြစ်များ

২ শমূয়েল 12:3

মাত্তর্‌ সে নাঢা মানুচ্চোর্‌ আর কিচ্ছু ন-এলঅ, এলদে বানা এক্কো চিগোন পাদি-ভেড়া। তে সিবে কিনিনে পালার্‌। সিবে তার্‌ আর তা ঝি-পূঅগুনোর্‌ লগে থেইনে দাঙর্‌ ওই উদের্‌। নাঢা মানুচ্চো যিয়েনি হেদঅ পাদি ভেড়া ছঅবোয়ো সিয়েনি হেদঅ আর তা পিলেবোত্তুন্‌ তে পানি হেদঅ। তার্‌ বুগুদ্‌ তে গুম্ যেদঅ। তে তাইদু তা ঝি ধোক্ক্যেন্‌ এলঅ।

গীতসংহিতা 103:13

পুয়ো-ছাগুনো উগুরে বাব্‌পোর যেত্তমান্ মেয়্যে আঘে সেধোক্ক্যেন্ তা ভক্তগুনো উগুরে তার মেয়্যে আঘে।

গম্ উপদেজ্ 23:6

লুভি মান্‌জ্যর হানা ন-হেয়ো; তার মংগা মংগা হানাগানি হেবাত্তে ন-চেয়ো;

গম্ উপদেজ্ 28:22

যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

মথি লেখ্যে গম্ হবর্ 11:8

সিয়েন ন-অলে কি চেবাত্তে যেইয়ো? দোল্ কাবড় উজ্যে কনঅ মান্‌জ্যরে চেবাত্তে নাকি? আজলে যিগুনে দোল্ কাবড় উরোন্ তারা রাজঘরত্ থান্।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

দ্বি’লম্বর বিররণ 28:53

সিয়েনি ঘিরি রাগেবার অক্তত্‌ শত্রুগুনে তমারে এমন্‌ দুগোত্‌ ফেলেবাক, তুমি তমার নিজোর পূঅগুনোরে হেবা, অত্তাৎ তুমি তমার গোজেন লগেপ্রভুর দিয়্যে ঝি-পূঅগুনোর য়েরানি হেবা।

দ্বি’লম্বর বিররণ 28:55

যে পূঅবোর য়েরানি তে হেবঅ তার্‌ এক্কেনায়ো তে তারারে ন-দিবো, কিত্যে শত্রুগুনে যেক্কে তমার আদামানি আর শঅরানি ঘিরি রাগেইনে তমারে দুগোত্‌ ফেলেবাক সেক্কে ইয়েনি বাদে আর কনঅ হানা তা ইদু ন-থেবঅ।