দ্বি’লম্বর বিররণ 28:53 - Chakma Bible

⁵³ সিয়েনি ঘিরি রাগেবার অক্তত্‌ শত্রুগুনে তমারে এমন্‌ দুগোত্‌ ফেলেবাক, তুমি তমার নিজোর পূঅগুনোরে হেবা, অত্তাৎ তুমি তমার গোজেন লগেপ্রভুর দিয়্যে ঝি-পূঅগুনোর য়েরানি হেবা।

দ্বি’লম্বর বিররণ 28:53 ပူးပေါင်းရင်းမြစ်များ

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 4:10

দোয়্যেলু মিলেগুনে নিজো আঢে তারার্ পুয়ো-ছাগুনোরে হানা রানি দেদন্। মঅ মানুচ্চুনোর্ ভস্ত অবার্ সময় তারার্ পুয়ো-ছাগুন তারার্ হানা ওইয়োন্।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

লেবীয় 26:29

সেক্কে পেট পড়ায়্‌ তুমি তমার্‌ ঝি-পূঅগুনোর্‌ য়েরা হেবা।

মথি লেখ্যে গম্ হবর্ 24:19

সেক্কে যিগুনে পিদিলী আর যিগুনে চিগোন্ গুরোরে বুগো দুধ হাবান্ তারার্ অবস্থা কিবাবোত্যে অবঅ!

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।

দ্বি’লম্বর বিররণ 28:54

সেক্কে তমা ভিদিরে যে মানুচ্চো নরম খাচ্চ্যদর্ আর গম্‌ অবস্থায় মানুচ্‌ ওইয়্যে, তার্‌ মনান এধোক্ক্যেন অবদে, নিজো ভেইয়ো উগুরে, বা কোচ্‌পেইয়্যে মোগো উগুরে, বা জেদা ঝি-পূঅগুনো উগুরে তার্‌ কনঅ দোয়্যেমেয়্যে ন-থেবঅ।

দ্বি’লম্বর বিররণ 28:55

যে পূঅবোর য়েরানি তে হেবঅ তার্‌ এক্কেনায়ো তে তারারে ন-দিবো, কিত্যে শত্রুগুনে যেক্কে তমার আদামানি আর শঅরানি ঘিরি রাগেইনে তমারে দুগোত্‌ ফেলেবাক সেক্কে ইয়েনি বাদে আর কনঅ হানা তা ইদু ন-থেবঅ।

দ্বি’লম্বর বিররণ 28:57

পূঅ জোর্মেবার পরেন্দি সেই পূঅবো আর তার পরেন্দি কিয়্যেগানত্তুন নিগিলি এচ্চ্যে ফুল্লো, ইয়েনর্‌ কনগানই তে তারারে হেবাত্তে ন-দিবো। তমারে ঘিরি রাগেবার অক্তত্‌ তমার শত্রুগুনে যেক্কে তমারে দুগোত্‌ ফেলেবাক সেক্কে তে নিজেই সে ফুল্লো আর পূঅবো জুরো গুরি হেবঅ।