দ্বি’লম্বর বিররণ 28:52 - Chakma Bible

⁵² তারা তমার আদামানি আর শঅরানি ঘিরিনে রাগেবাক, আর যেরেন্দি তমার উজু আর দর দেবালানি ভাঙি পুরিবো যিয়েন উগুরে তুমি এদক আজা গরর্‌। তমা গোজেন লগেপ্রভু যে দেজ্‌ছান তমারে দিবাত্তে যার্‌ সে দেজর্‌ বেক্‌ আদামানি আর শঅরানি তারা ঘিরিবাক।

দ্বি’লম্বর বিররণ 28:52 ပူးပေါင်းရင်းမြစ်များ

২ রাজাবলী 18:13

রাজা হিষ্কিয়োর রাজাগিরির চৌদ্দো বজরত্‌ আসিরিয়ার রাজা সন্‌হেরীব যিহূদার বেক্‌ দেবাল-ঘিজ্যে শঅরানি আক্রমণ গুরিনে সিয়েনি গজক গুরি নেযেল।

২ রাজাবলী 6:29

সেনত্তে আমি মঅ পুয়োবোরে রানিনে হেইয়্যেই। তার্‌কেল্যে মুই তারে কলুং, ‘এবেরা তঅ পুয়োবো আমারে হেবাত্তে দে।’ মাত্তর্‌ তে তারে লুগেই রাগেয়্যে।”

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিরমিয় 10:17

তুমি যিগুনে ঘিজ্যে আঘ, তুমি দেজ্ ছাড়ি যেবাত্তে নিজোর নিজোর পযাপিরানি গুচ্ছেই নেযঅ,

যিরমিয় 10:18

কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 37:8

সে পরেদি বাবিলীয়গুনে ফিরি এইনে এ শঅরান আক্রমণ গুরিবাক্; তারা ইয়েন গজক্ গুরিনে পুড়ি ফেলেই দিবাক্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

সখরিয় 12:2

মুই যিরূশালেমানরে এমন এক্কো মদ পিলে বানেম্ যিবেত্তুন্ হেইনে কায়-কুরে বেক্ জাদ্‌‌‌‌‌তুনে ঢুলিবাক্। যিরূশালেম সমারে যিহূদার অন্য শঅরানিরেয়ো ঘিরে অবঅ।

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।