দ্বি’লম্বর বিররণ 28:44 - Chakma Bible

⁴⁴ তারা তমারে কজ্জ দিবাক মাত্তর্‌ তুমি তারারে কজ্জ দিই ন-পারিবা। তারা থেবাক্কে তমা মাদা উগুরে আর তুমি থেবা তারার টেঙর্‌ তলেন্দি।

দ্বি’লম্বর বিররণ 28:44 ပူးပေါင်းရင်းမြစ်များ

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।