দ্বি’লম্বর বিররণ 28:4 - Chakma Bible

⁴ তুমি আশিদ্‌বাদ পেবা যার কারনে তমার গিরির্ বোউত ঝি-পূঅ, ক্ষেদত বোউত ফসল আর গোরু-ছাগল-ভেড়া পালর ভালোক্কুন ছঅ অবাক্।

দ্বি’লম্বর বিররণ 28:4 ပူးပေါင်းရင်းမြစ်များ

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গীতসংহিতা 128:3

তঅ ঘর গুদি ভিদিরে তঅ মোক্কো গুলো গুলিয়ে ভরা আংগুর্ গাজ ধোক্ক্যেন অবঅ; তঅ হাইদ্যে টেবিলো চেরোকিত্তে তঅ পুয়ো-ছাগুন জলপাই গাজ চারা ধোক্ক্যেন্ অবাক্।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

দ্বি’লম্বর বিররণ 28:11

যে দেজছান তমারে দিবো বিলিনে লগেপ্রভু তমার পুরোণি মানুচ্চুনো ইদু শমক্‌ গোজ্যে সেই দেজত্‌ তে তমারে বোউত দান গুরিবো, অত্তাৎ তে তমার গিরির্ বোউত ঝি-পূঅরে, য়েমান পালত্‌ ভালোক্কুন্‌ ছঅ আর ক্ষেদত্‌ ভালোক্কুন ফসল দিবো।

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।

দ্বি’লম্বর বিররণ 28:3

তমার থেবারজাগানিত্ আর ক্ষেত-ক্ষেত্তি বেক্কানিত তুমি আশিদ্‌বাদ পেবা।

দ্বি’লম্বর বিররণ 28:5

তমার ফসলর কাল্লোঙুন্‌ আর ময়দা রাগেবার পিলেগুন আশিদ্‌বাদ পেবাক।

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।