দ্বি’লম্বর বিররণ 28:32 - Chakma Bible

³² তমার ঝি-পূঅগুনে অন্য জাদর্‌ আদত্‌ পড়িবাক। দিনকে দিন তারার এবার্‌ পথতান্‌ চেইনে তমার চোক্কুন কান্‌ ওই যেবাক, মাত্তর্‌ কিজু গুরিবার বল্‌ তমা আদত্‌ ন-থেবঅ।

দ্বি’লম্বর বিররণ 28:32 ပူးပေါင်းရင်းမြစ်များ

২ বংশধর 29:9

ইয়েনত্তে আমা পূরোণি মানুচ্চুনে যুদ্ধোত্‌ মারা পোজ্যন্‌ আর আমা মোগ্‌কুনে আর ঝি-পুয়োগুনে বন্দী ওইয়োন্‌।

ইয়োব 11:20

মাত্তর্‌ শদানুনে উদ্ধোরর্‌ আজায় মিজে মিজে চেই থেবাক্‌, তারা কনঅ আশ্রয় ন-পেবাক্‌; শেজ্‌ নিজেশ্বো অবদে তারার্‌ আজা।”

ইয়োব 17:5

লাভ আজায় যুনি কনজনে তা সমাজ্যেগুনোরে দুষি গরে সালে তা পূঅগুনে দুঘ্‌ ভোগ্‌ গুরিবাক্‌।

ইয়োব 31:8

সালে মুই যিয়েনি লাগেয়োং সিয়েনি যেন অন্যগুনে খান্, মঅ সোজ্যগানি যেন উগুরে দিয়্যে অয়।

গীতসংহিতা 119:123

তর্ গম কাম মজিম্ তুই যে এগেমান্ গোজ্যস্ সিয়েন পূরোণ অবার তর্ দিয়্যে উদ্ধোরান্ পেবার আজায় মঅ চোগ্‌কুন গুর্ গুর্ ওইয়োন্।

গীতসংহিতা 119:82

তর্ এগেমান্ পূরোণ অবাত্তে বাজ্জেই থাগদে থাগদে মঅ চোগ্‌কুন গুর্ গুর্ ওইয়োন; মুই কঙে, “কক্কেনে তুই মরে সান্তনা দিবে?”

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 4:17

তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

আবিলেচ্ 5:17

ইয়েনিত্তে আমা মনানি ভাঙি যেইয়্যে, ইয়েনিত্যে আমার চোগোর্ তেজ্‌চানি কমি যেইয়্যে।

যিহিষ্কেল 24:25

লগেপ্রভু মরে আরঅ কলঅ, “ও মান্‌‌‌‌‌‌‌‌‌‌‌‌জ্যর পুয়োবো, যেদিন্যে মুই তারার্ সেই খেমতার অহংকার, তারার্ হুজি আর বাঈনী গরানা, তারার্ চোগোর্ সুগ, তারার মনর্ চাওয়া আর তারার্ ঝি-পুয়োগুনোরেয়ো নেযেম,

যোয়েল 3:6

তুমি যিহূদা আর যিরূশালেম মানুচ্চুনোরে তারা দেজত্তুন্ দূরোত্ সোরেই দিবাত্তে গ্রীককুনো ইধু বিজি দুয়ো।

আমোষ 5:27

সেনত্তে মুই দামেস্কর উই পারত্ বন্দী ইজেবে তমারে পাধেই দিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।”

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 4:10

ও সিয়োন-ঝিবো, পুয়ো-ফুদোইদ্যে দুঘ্ পেইয়্যে মিলে ধোক্ক্যেন তুই পীড়েলোই এগুর্ উগুর্ হা, কিত্যে ইক্কিনে তত্তুন্ শঅর্ ছাড়িনে খুলো মাদত্ যেইনে থাহ্ পড়িবো। তুই বাবিলোত্ যেবে; সিয়েনত্ তুই উদ্ধোর্ পেবে। লগেপ্রভু সিয়োদোই তঅ শত্রুগুনো আঢত্তুন্ তরে উদ্ধোর্ গুরিবো।

গণাণা 21:29

হায় মোয়াব! ও কমোশ দেবেদার মানুচ্চুন, তুমি ভস্ত ওই যেইয়ো। কমোশর পূঅগুনে ধেই যেইয়োন আর মিলেগুনে ইমোরীয়গুনোর রাজা সীহোনর বন্দিনী ওইয়োন।

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।

দ্বি’লম্বর বিররণ 28:31

তমার চোগো মুজুঙোত্‌ তমা গোরুগুন কাবা অবঅ, মাত্তর্‌ তার্‌ এক ভাগ য়েরায়ো তমার পেদত্‌ ন-যেবঅ। তমার গাধাবোরে জোর্‌ গুরিনে তমা ইত্তুন নেযা অবঅ, মাত্তর্‌ সিয়েনত্তুন আর ফিরেই দিয়্যে ন-অবঅ। তমার ভেড়াগুন তমার শত্রুগুনোর আদত্‌ যেইনে পড়িবাক; আর এই বিপদত্ তমারে উদ্ধোর গুরিবাত্তে কনজনে উজেই ন-এবাক।

দ্বি’লম্বর বিররণ 28:41

যিদুক্কুন ঝি-পূঅ তমার অবাক তারা তমার কায়কুরে ন-থেবাক, কিত্যে তারারে বোন্দী গুরিনে নেযা অবঅ।

দ্বি’লম্বর বিররণ 28:65

সেই বেক্‌ জাদ্‌তুনো ভিদিরে তুমি শান্তি ন-পেবা, আর তমার জিরেবাত্তে কনঅ জাগা ন-থেবঅ। সিয়েনত্ লগেপ্রভু তমার মনানি ভান্ন্যেই চিদেলোই ভোরেই তুলিবো আর আজা গুরি চেই রোইয়্যে চোখ্‌কুন্‌ তমার চুলেই উদিবাক, আর তমার মনানি নিরাজাই ভোরেই দিবো।