দ্বি’লম্বর বিররণ 28:30 - Chakma Bible

³⁰ যে মিলেবো সমারে তর্‌ মেলা ঠিগ্‌ অবঅ অন্য মান্‌জ্যে তার্‌ ইজ্জত বরবাদ্ গুরিবাক। তুমি ঘর বানেবা মাত্তর্‌ সেক্কে থেই ন-পারিবা। তুমি আংগুর ক্ষেত গুরিবা মাত্তর্‌ তার্‌ ফলুন মুয়োত দি ন-পারিবা।

দ্বি’লম্বর বিররণ 28:30 ပူးပေါင်းရင်းမြစ်များ

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

ইয়োব 20:18

যাত্যে তে কাম্‌ গোজ্যে সিয়েনি ভোগ্‌ ন-গুরিনে ফিরেই দিয়্যে পুরিবো; বেবসার্ লাভ্‌অ তে আর ভোগ্‌ ন-গুরিবো;

ইয়োব 3:18

বন্দীগুনে বেক্কুনে সিদু আরাম গরন্‌; অত্যেচার্‌ গুরিয়্যেগুনোর্‌ রঅ ছাড়ানা আর সিদু শুনো ন-যায়।

ইয়োব 31:10

মাত্তর্ মঅ মোক্কো যেনে অন্য মানজ্যর্ মিশিন্ ঘুরোই, আর অন্য মানুচ্চো যেনে তা সমারে ঘুমোত্ পড়ে।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 6:12

যিগুনে দেজত্ বজত্তি গরন তারা বিরুদ্ধে যেক্কে মুই সাজা দিবার আঢ্‌তান বাবেই দিম্ সেক্কে অন্যগুনো আঢত্ তারার ঘরানি, ভূইয়ানি আর মোগ্‌‍‍কুনোরে তুলি দিয়্যে অবঅ।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

আবিলেচ্ 5:11

সিয়োনত্ মিলেগুনোরে বর্‌বাত্ লাগা ওইয়্যে; যিহূদার আদামত্ আর শঅরত্ বর্‌বাত্ লাগা ওইয়্যে গাবুজ্যে মিলেগুনোরে।

আবিলেচ্ 5:2

আমা ভাগর্ সোম্বোত্তিগানি বিদেশীগুনো আঢত্ দিয়্যে ওইয়্যে, আর ঘরানি দিয়্যে ওইয়্যেদে নানান্ জাদর মানুচ্চুনোরে।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

মীখা 6:15

তুমি বীজ্ ফেলেবা মাত্তর্ ফসল কাবি ন-পারিবা; তুমি জলপাই মাড়িবা মাত্তর্ নিজে সিয়েনর্ তেলান বেবহার গুরি ন-পারিবা; তুমি আংগুর মাড়িনেয়ো সিয়েনর রস্‌‌চান হেই ন-পেবা।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

সফনিয় 1:13

তারার্ ধন-সোম্বোত্তিগানি লুদো অবঅ আর তারার্ ঘরানি ভস্ত অবঅ। তারা ঘর বানেবাক্ মাত্তর্ সিয়েনিত্ বজত্তি গুরি ন-পারিবাক্; তারা আংগুর খেত্ গুরিবাক্ মাত্তর্ আংগুর-রস হেই ন-পারিবাক্।”

দ্বি’লম্বর বিররণ 28:31

তমার চোগো মুজুঙোত্‌ তমা গোরুগুন কাবা অবঅ, মাত্তর্‌ তার্‌ এক ভাগ য়েরায়ো তমার পেদত্‌ ন-যেবঅ। তমার গাধাবোরে জোর্‌ গুরিনে তমা ইত্তুন নেযা অবঅ, মাত্তর্‌ সিয়েনত্তুন আর ফিরেই দিয়্যে ন-অবঅ। তমার ভেড়াগুন তমার শত্রুগুনোর আদত্‌ যেইনে পড়িবাক; আর এই বিপদত্ তমারে উদ্ধোর গুরিবাত্তে কনজনে উজেই ন-এবাক।