দ্বি’লম্বর বিররণ 28:23 - Chakma Bible

²³ তমার মাদাগুনো উগুরে আগাজ্‌ছান অবদে পিদোল ধোক্ক্যেন দরঅ, আর টেঙর্‌ তলেন্দি মাদিগান অবদে লুয়ো ধোক্ক্যেন দরঅ।

দ্বি’লম্বর বিররণ 28:23 ပူးပေါင်းရင်းမြစ်များ

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:2

সেনত্তে এলিয় আহাবরে দেগা দিবাত্তে গেলঅ। সেক্কে শমরিয়াত্‌ অমকদ ভাদরাত্‌ চলের্‌।

লেবীয় 26:19

মুই তমার্‌ বলর্‌ বাহাদুরি ভাঙি দিম। মুই তমার্‌ মাদা উগুরে আগাচ্চান্‌ লুয়ো ধোক্ক্যেন আর টেঙর্‌ তলে মাটিগান্‌ পিদল ধোক্ক্যেন দরঅ গুরি দিম।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

হগয় 1:10

সেনত্তেই তমাত্তে আগাশ্‌‌‌চানে তার শিরো পানি পড়ানা আর ভূইয়ো খেত-খেত্তিগানি দেনা বন্ধ গুরি দিয়্যে।

দ্বি’লম্বর বিররণ 28:22

ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:24

লগেপ্রভু এধোক্ক্যেন গুরিবো যেনে তমার দেজছানত্‌ ঝড়র বদলে আগাজত্তুন ধূল্যে আর বালু পড়ে। সিয়েনি তমা উগুরে পুরিবো যেদক্কন সং তুমি ভস্ত ওই ন-যঅ।