দ্বি’লম্বর বিররণ 28:22 - Chakma Bible

²² ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:22 ပူးပေါင်းရင်းမြစ်များ

১ রাজাবলী 17:7

দেজত্‌ ঝড়্‌ ন-পড়ানায়্‌ কয়েকদিন পরেন্দি সে গঙার্‌ পানিগান শুগেই গেলঅ।

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

২ বংশধর 6:28

যুনি দেজত্‌ ভাদরাত্‌ বা ভানা দেগা যায়, যুনি ক্ষেত-ক্ষেত্তি শুগেই-যাইদে রোগ বা ছাৎলা-পোজ্যে রুগ অয়, যুনি ক্ষেদত্‌ ফিরিং বা পুগযুগ্‌ পড়ন, যুনি শত্রুয়ে তারার্‌ কনঅ শঅর্‌ ঘিরিনে-যে কনঅ বাবোত্যে দযা বা পিড়ে দেগা যেদঅ সাৎ,

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

হগয় 1:11

খেত-খামার, মুড়ো-মুড়ি, শোজ্য, নূয়ো আংগুর-রস, তেল আর মাদিত্ যিয়েনি জর্মায় সিয়েনি উগুরে মানুচ্, য়েমান আর তমা আঢর্ বেক কামানি উগুরে ঝড় ন-পড়িবাত্তে মুই উগুম দুয়োং।”

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

হগয় 2:19

ইক্কিনে হামাক্কায় তমা গোলাঘরত্ কনঅ বীজ নেই আর এদক দিন আংগুর, ডোমোর্, ডালোম আর জলপাই গাজত্ ফল কম ধোজ্যন্, মাত্তর্ এচ্চ্যেত্তুন্ ধুরি মুই তমারে বর্ দিম।’ ”

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

দ্বি’লম্বর বিররণ 28:23

তমার মাদাগুনো উগুরে আগাজ্‌ছান অবদে পিদোল ধোক্ক্যেন দরঅ, আর টেঙর্‌ তলেন্দি মাদিগান অবদে লুয়ো ধোক্ক্যেন দরঅ।

দ্বি’লম্বর বিররণ 32:24

মুই তারা উগুরে কিয়্যেগান্ ক্ষয় গরেদে ভানা ধোক্ক্যেন, ভস্ত গুরিয়্যে ভানা আর দুঘে ভরা পিড়ে পাধেই দিম্‌। তারা উগুরে মুই ঝাড়্‌বো দাত্‌বলা য়েমান আর বুক্কোই ভর্‌ দিইনে যান্দে বিষবলা সাপ পাধেই দিম্‌।

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।