দ্বি’লম্বর বিররণ 28:12 - Chakma Bible

¹² তমা দেজত্‌ অক্ত মজিম ঝড়্‌ দিইনে তমার আঢর্ বেক্‌ কামানিত্‌ আশিদ্‌বাদ গুরিবাত্তে লগেপ্রভু তার দানর ভান্ডাল্, অত্তাৎ আগাজ্‌ছান খুলি দিবো। তুমি নানান্‌ জাদরে কজ্জ দি পারিবা, মাত্তর্‌ কারত্তুন্‌ তমার কজ্জ নেযা ন পুরিবো।

দ্বি’লম্বর বিররণ 28:12 ပူးပေါင်းရင်းမြစ်များ

১ রাজাবলী 18:1

ইয়েনর্‌ ভালোক্‌ দিন পরেন্দি, ঝড়্‌ ন-অনার্‌ তিন বজরত্‌ লগেপ্রভু এলিয়রে কলঅ, “তুই যেইনে আহাবরে দেগা দে। মুই দেজত্‌ ঝড়্‌ পাধেই দুয়োঙর্‌।”

ইয়োব 38:22

তুই কি তুষার ভান্ডালত্ চোমেয়োচ্ বা শিলোর কুড়্ দেখ্যচ্?

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গম্ উপদেজ্ 22:7

নাঢা মান্‌জ্য উগুরে তাগোয়্যেবো সদ্দার্ অয়, আর সুদি টেঙা নিয়েবো দিয়্যেবোর চাগর্ অয়।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

দ্বি’লম্বর বিররণ 15:6

তমার গোজেন লগেপ্রভু তার এগেম্ মজিম তমারে আশিদ্‌বাদ গুরিবো, আর সেক্কে তুমি বোউত্‌ জাদর মান্‌জ্যরে কজ্জ দিবা, মাত্তর্‌ কারত্তুন্‌ তমার কজ্জ নেজা ন পুরিবো। তুমি বোউত্‌ জাদরে দোঙেবা মাত্তর্‌ কনজনে তমারে ন দোঙেবাক্‌।

দ্বি’লম্বর বিররণ 23:20

অন্য জাদর্‌ মানুচ্চুনোত্তুন্‌ তুমি সুদ নেযেই পার মাত্তর্‌ কনঅ ইস্রায়েলীয় ভেইয়োত্তুন নয়। এধোক্ক্যেন গুরি আদিলে তুমি যে দেজ্‌ছান্‌ গজক্ গুরিবাত্তে যর্‌ সিয়েনত্‌ তুমি যিয়েনত্‌ আঢ্ দিবা সিয়োদোই তমার গোজেন লগেপ্রভু তমারে আশিদ্‌বাদ গুরিবো।

দ্বি’লম্বর বিররণ 28:24

লগেপ্রভু এধোক্ক্যেন গুরিবো যেনে তমার দেজছানত্‌ ঝড়র বদলে আগাজত্তুন ধূল্যে আর বালু পড়ে। সিয়েনি তমা উগুরে পুরিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:44

তারা তমারে কজ্জ দিবাক মাত্তর্‌ তুমি তারারে কজ্জ দিই ন-পারিবা। তারা থেবাক্কে তমা মাদা উগুরে আর তুমি থেবা তারার টেঙর্‌ তলেন্দি।