দ্বি’লম্বর বিররণ 28:10 - Chakma Bible

¹⁰ সেক্কে পিত্‌থিমীর বেক্‌ জাদ্‌তুনে দেগিবাক্কে, লগেপ্রভুর নাঙে তমার পরিচয়, আর সেক্কে তারা তমারে দোরেইনে চলিবাক।

দ্বি’লম্বর বিররণ 28:10 ပူးပေါင်းရင်းမြစ်များ

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

যাত্রা 12:33

মিসরীয়গুনোর্‌অ দর্‌ লাগিলো, তারায়ো দগে ন-অলে মুরি যেবাক্। সেনত্যেই তারা ইস্রায়েলীয়গুনোরে তাগাদা দিয়া ধোজ্যন্‌ যেনে তারা যাদিমাদি তারার্‌ দেজত্তুন্‌ নিগিলি যান্‌।

যাত্রা 14:25

ইয়েনিবাদেয়ো তে রথ্‌‌তানর্‌ চাক্কাগুনো খুলি ফেলেল; সেক্কে রথ্‌‌তানি চালাদে তারার্‌ অমহদ দুখ্‌ ওইয়্যে। মিসরীয়গুনে সেক্কে কলাক্, “আঢঅ, আমি ইস্রায়েলীয়গুনোরে ইরি দিইনে ধেই‌ যেই, কিত্তে লগেপ্রভুই ইস্রায়েলীয়গুনোর্‌ ওইনে মিসরীয়গুনোর্‌ বিরুদ্ধে যুদ্ধো গোজ্যে।”

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

যিরমিয় 14:9

কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

মালাখি 3:12

সেক্কে বেক্ জাদ্‌‌‌‌‌তুনে তরে বর্ দিবাক্, কিত্যেই তমা দেজ্‌‌‌‌‌চান অবঅ হুজির্ দেশ। মুই বেগত্তুন্ খেমতাবলা লগেপ্রভু কঙর্।”

গণাণা 6:27

“এবাবোত্যেগুরি তারা ইস্রায়েলীয়গুনো উগুরে মর্‌ নাঙান্‌ কুয়ো ধুরিবাক্, সেক্কে মুয়ই তারারে বর্ দিম।”

প্রেরিত্‌ 15:17

যেন অন্য বেক্‌ মানুচ্চুনে, অত্তাৎ যিদুক্কুন অযিহূদীরে মর্ বিলিনে ডাগা ওইয়্যে তারা মরে তোগেই পারন্।’ প্রভু, যিবে ইয়েনি বেক্ কামানি গরে তে এ কধানি কর্, আর প্রভুই এ বেক্ক্যানি গরের্।

দ্বি’লম্বর বিররণ 11:25

কনঅ মান্‌জ্যে তমা মুজুঙোত্‌ থিয়্যেই ন-পারিবাক্। তুমি সে দেজর্‌ যিয়েনত্ যেবা তমা গোজেন লগেপ্রভু তার্‌ এগেম্ মজিম সে জাগানর্ মানুচ্চুনোর মনত্‌ তমা পৌইদ্যেনে এক্কান দর্‌ গরেদে মনভাব আর গির্‌গিরেনি ধোরেই দিবো।

দ্বি’লম্বর বিররণ 2:25

এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।