দ্বি’লম্বর বিররণ 28:1 - Chakma Bible

¹ তমার গোজেন লগেপ্রভু উগুরে যুনি তমার পূরোপুরি বাধ্যতা থায় আর এচ্চ্যে মুই তার যেদক্কানি উগুম তমারে দুয়োঙর্‌ সিয়েনি যুনি তুমি দোলেডালে পালন গরঅ, সালে তে পিত্‌থিমীর অন্য বেক্‌ জাদ্‌তুনো উগুরে তমারে জাগা দিবো।

দ্বি’লম্বর বিররণ 28:1 ပူးပေါင်းရင်းမြစ်များ

১ বংশধর 14:2

সেক্কে দায়ূদে বুঝি পারিলো, লগেপ্রভু ইস্রায়েল উগুরে তা রাজপদতান্‌ ঠিগ্‌ গোজ্যে আর তা মানুচ্চুনোর্‌, অত্তাৎ ইস্রায়েলীয়গুনোত্তে তা রেজ্যগান্‌ বোউত্‌ ভালেদি গোজ্যে।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

গীতসংহিতা 119:128

তর্ বেক সুদোমানি মুই ঠিগ্ বিলিনে মনে গরং, আর বেক মিজে পধ্‌থানি মুই গম ন-পাং।

গীতসংহিতা 119:6

সালে তঅ বেক্ উগুমানি পালেবাত্তে মুই ন-লাজেম্।

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যাত্রা 23:22

তুমি যুনি তা কধানি শুনো আর মুই যিয়েনি কোইয়োং সিয়েনি গরঅ‌ সালে মুই তমার শত্রুগুনোর্‌ শত্রু ওম্‌ আর যিগুনে তমা বিরুদ্ধে থিয়েবাক্ মুই তারা বিরুদ্ধেয়ো ঠিয়েম্‌।

যাত্রা 23:25

তুমি বানা তমার্‌ গোজেন লগেপ্রভুর, অত্তাত্‌ মরে সেবা গুরিবা। সেক্কে তমার হানা আর পানি উগুরে মর্‌ আশিদ্‌বাদ থেবঅ‌ আর মুয়ই তমার্‌ বেক্‌ অসুখ-বিসুখ্‌কানি দূর্ গুরি দিম্‌।

যিশাইয় 1:19

যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 17:24

মাত্তর্ যুনি তুমি উজিয়ার ওইনে মর্ কধামজিম আঢঅ আর জিরেবার দিনোত্ শঅরর্ গেদো ইন্দি কনঅ বুধি ন-আন বরং জিরেবার দিন্নোত্ কনঅ কাম্ ন-গুরিনে দিন্নোরে মঅ নাঙে যুদো গুরি রাগঅ,

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

দ্বি’লম্বর বিররণ 11:13

সেনত্যে তমার গোজেন লগেপ্রভুরে কোচ্‌পানা আর বেক্‌ মনান-পরাণানদোই তারে সেবা গুরিবার যে উগুমান এচ্চ্যে মুই তমারে দিলুং সিয়েনি তুমি বিশ্বেজ্ গুরিনে পালেবা।

দ্বি’লম্বর বিররণ 11:27

এচ্চ্যে মুই তমা ইদু তমার গোজেন লগেপ্রভুর যে উগুমানি দিলুং সিয়েনি যুনি তুমি পালন গরঅ, সালে এ আশিদ্‌বাদতান্‌ তমার অবঅ।

দ্বি’লম্বর বিররণ 26:18

আর লগেপ্রভুয়ো এচ্চ্যে ফগদাং গোজ্যেদে, তার এগেম্ মজিম তুমি তারই মানুচ্‌ আর তার্‌ নিজোর সোম্বোত্তি ওইয়ো। তার বেক্‌ উগুমানি তমাত্তুন মানি চলা পড়িবো।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 28:13

লগেপ্রভু এমন গুরিবো যেনে তুমি বেক্কুনো মাদা উগুরে থাগঅ, টেঙর্‌ তলে নয়। তমার গোজেন লগেপ্রভুর যেদক্কানি উগুম এচ্চ্যে মুই তমারে দুয়োঙর্ সিয়েনত্ যুনি তুমি শুনো আর দোলেডালে সিয়েনি পালঅ, সালে আমিঝে তমার জাগায়ান্‌ থেবঅ উগুরে, তলেন্দি নয়।