দ্বি’লম্বর বিররণ 27:25 - Chakma Bible

²⁵ সে মানুচ্চো অভিশাব খেইয়্যে, যে নিদ্দুজি মান্‌জ্যরে খুন গুরিবাত্তে ঘুষ নেযায়। সেক্কে বেক্কুনে কবাক, আমেন।

দ্বি’লম্বর বিররণ 27:25 ပူးပေါင်းရင်းမြစ်များ

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

মথি লেখ্যে গম্ হবর্ 26:15

আর পুযোর্ গুরিলো, “যুনি মুই বেঈমানী গুরিনে যীশুরে তমা আঢত্ ধুরি দুয়োং তুমি মরে কি দিবা?” আজল্ ধর্মগুরুগুনে তিরিচ্চো রুবোর টাকা গুণিনে তারে দিলাক্।

প্রেরিত্‌ 1:18

ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

বিচের গুরিয়্যেগুন 9:24

গোজেনে নিজেই ইয়েন গুরিলো যেনে যিরুব্বালর সত্তুরজন পূঅর্ উগুরে লো ফেলানার যে অন্যেয়ানি গরা ওইয়্যে সিয়েনত্তেই তারার ভেই অবীমেলক উগুরে আর তারারে মারে ফেলানার কামত্‌ তার আর তারে বল্‌ দিয়্যেগুনোরে শিখিমোর মানুচ্চুনো উগুরে হেনা সুজো অয়।