দ্বি’লম্বর বিররণ 27:2 - Chakma Bible

² তুমি যর্দন গাঙান্‌ পার্‌ ওইনে তমার গোজেন লগেপ্রভুর দিয়্যে দেজত্‌ যেইনে কুদুক্কুন দাঙর্‌ দাঙর্‌ পাত্তর্‌ উজু গুরি নেযেবা আর সিগুন্‌ সিবিদি দিইনে লিবি দিবা,

দ্বি’লম্বর বিররণ 27:2 ပူးပေါင်းရင်းမြစ်များ

ইয়োব 19:24

যুনি পাত্তরর্‌ ফলগত্‌ লুয়োর্‌ যন্ত্র আর সীজেলোই জিংকানিবর্‌ সিয়েন্‌ খোদাই গোজ্যে থেদঅ!

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

দ্বি’লম্বর বিররণ 11:31

তমার গোজেন লগেপ্রভু যে দেজ্‌ছান তমারে দিবাত্তে যার্‌ সে দেজ্‌ছান গজক্ গুরিবাত্তে তুমি যর্দন গাঙান পার্‌ অবাত্তে যর্‌। তুমি যেক্কে সিয়েন্‌ গজক্ গুরিনে সিদু বজত্তি গুরিবাত্তে থেবা সেক্কে মুই তমারে এচ্চ্যে যেদক্কানি সুদোম আর উগুম্‌ দিলুং সিয়েনি হামাক্কাই পালন গুরিনে চলিবা।

দ্বি’লম্বর বিররণ 26:1

তমার গোজেন লগেপ্রভু যে দেজ্‌চান সোম্বোত্তি ইজেবে তমারে দিবাত্তে যার্‌ তুমি সিয়েন্‌ গজক্ গুরিনে যেক্কে সিয়েনত্ বজত্তি গরা ধুরিবা,

দ্বি’লম্বর বিররণ 27:1

মোশি ইস্রায়েলীয় বুড়ো নেতাগুনোরে সমারে নেযেইনে মানুচ্চুনোরে কলদে, “যেদক্কানি উগুম এচ্চ্যে মুই তমারে দুয়োঙর্‌ সিয়েনি তুমি পালেবা।

দ্বি’লম্বর বিররণ 27:3

আর সিগুনো উগুরে এ রীদি-সুদোমর্ বেক্‌ কধানি লিগিবা। তমার পুরোণি মানুচ্চুনোর গোজেন লগেপ্রভু তমা ইদু গোজ্যে তার এগেম্ মজিম দুধ আর মধুলোই ভোজ্যে যে দেজ্‌ছান তমারে দিবাত্তে যার্‌ তুমি সিয়েনত্‌ যানার পরেন্দি,

দ্বি’লম্বর বিররণ 27:4

অত্তাৎ যর্দন গাঙান পার্‌ ওই যানার পরেন্দি মর্‌ এচ্চ্যের্‌ উগুম মজিম তুমি এবল মুড়োবো উগুরে সেই পাত্তরুন উজু গুরি নেযেইনে চিবিদিলোই লিবি দিবা।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

যিহোশূয় 1:11

“তুমি তাম্বুলোত্‌ যেইনে মানুচ্চুনোরে কগোই যেনে তারা তারার হানা-দানানি নিইনে যুক্কোল্‌ থান্‌। তারার গোজেন লগেপ্রভু যে দেজ্‌চান তারারে সোম্বোত্তি ইজেবে দিবাত্তে যার্‌ সিয়েনত যেইনে সিয়েনি গজক্ গুরি নেযেবাত্তে তিন দিনো ভিদিরে তারারে ইয়োত্তুন যর্দন গাঙান্‌ পার ওই যাহ্ পুরিবো।”

যিহোশূয় 4:1

এবাবোত্যেগুরি পুরো ইস্রায়েল জাদ্‌তো যর্দন গাঙান্‌ পার অনার পরেন্দি লগেপ্রভু যিহোশূয়রে কলঅ‌,

যিহোশূয় 8:30

ইয়েনর্ পরেন্দি ইস্রায়েলীয়গুনো ইদু দিয়্যে লগেপ্রভুর চাগরবো মোশির উগুম মজিম যিহোশূয় এবল মুড়োবো উগুরে ইস্রায়েলীয়গুনোর গোজেন লগেপ্রভুর নাঙে এক্কো পূজো বানেল। মোশির রীদি-সুদোমর্ বোইবোত্‌ যেধোক্ক্যেন লেগা আঘে সে মজিম তে সিয়েন বানেল। পূজোবো বানাদে কনঅ পাত্তর্‌ কাবি নেযা ন-অয় আর সিবে উগুরে কনঅ‌ লুয়োর যন্ত্রপাতিয়ো বেবহার গরা ন-অয়। সে পূজোবো উগুরে ইস্রায়েলীয়গুনে লগেপ্রভুর নাঙে পুজ্যে আর উদোলোলি-উৎসর্বর অনুষ্ঠান গুরিলাক্‌।

যিহোশূয় 8:32

এবল মুড়োবো উগুরে ইসায়েলীয়গুনো মুজুঙোত্‌ যিহোশূয় পাত্তর উগুরে মোশির লেখ্যে রীদি-সুুদোমানি ফটোকপি গুরিলো।