দ্বি’লম্বর বিররণ 27:14 - Chakma Bible

¹⁴ লেবীয়গুনে সেক্কে বেক্‌ ইস্রায়েলীয়গুনো মুজুঙোত্‌ রঅ ছাড়িনে এ কধাগান কবাক:

দ্বি’লম্বর বিররণ 27:14 ပူးပေါင်းရင်းမြစ်များ

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

দ্বি’লম্বর বিররণ 27:13

আর যেক্কে তার অভিশাপ্‌পান ফগদাং গরা অবঅ সেক্কে রূবেণ, গাদ, আশের, সবূলূন, দান আর নপ্তালি-গুট্টির মানুচ্চুনে এবল মুড়োবো উগুরে থেবাক।

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

যিহোশূয় 8:33

ইস্রায়েলীয়গুনে আর তারা লগে বজত্তি গুরিয়্যে অন্য জাদর্ মানুচ্চুনে, তারার বুড়ো নেতাগুনে, কামগুরিয়েগুনে আরঅ‌ বিচেরগুরিয়েগুনে, অত্তাৎ ইস্রায়েলীয় সমাজর বেক্‌ মানুচ্চুনে লগেপ্রভুর সাক্ষ্য-সুন্দুগোর দ্বিকিত্তেন্দি থিয়্যেই এলাক্‌; তারা সুন্দুক্কো বোইয়্যে লেবীয় ধর্মগুরুগুনো মুজুঙোত্‌ এলাক্‌। তারাত্তুন্‌ অদ্দেক্‌ মানুচ্‌ থিয়্যেলাক্‌ গরিষীম মুড়োবোর মুজুঙোত্‌ আর অদ্দেক মানুচ্‌ থিয়্যেলাক্‌ এবল মুড়োবোর মুজুঙোত্‌। লগেপ্রভুর চাগর্‌ মোশি এ কধানি আগে কোইয়্যে যেক্কে তে ইস্রায়েলীয়গুনো উগুরে আশিদ্‌বাদ গুরিবার উগুম দিয়্যে।

যিহোশূয় 8:34

সে পরেন্দি যিহোশূয় রীদি-সুদোমর্ বোইবোত্‌ যেদক্কানি বর্‌ আর অভিশাবর কধা লেগা এলঅ‌ সিয়েনি অদে অদে পোড়ে শুনেল।