দ্বি’লম্বর বিররণ 27:1 - Chakma Bible

¹ মোশি ইস্রায়েলীয় বুড়ো নেতাগুনোরে সমারে নেযেইনে মানুচ্চুনোরে কলদে, “যেদক্কানি উগুম এচ্চ্যে মুই তমারে দুয়োঙর্‌ সিয়েনি তুমি পালেবা।

দ্বি’লম্বর বিররণ 27:1 ပူးပေါင်းရင်းမြစ်များ

১ বংশধর 28:8

সেনত্তে বেক্‌ ইস্রায়েলীয়গুনোরে, অত্তাৎ লগেপ্রভু সমাজ মানুচ্চুনোরে আর আমা গোজেন মুজুঙোত্‌ মুই তমারে এ উগুমান্‌ দুয়োঙর্‌, তুমি তমার্‌ গোজেন্‌ লগেপ্রভুর বেক্‌ উগুমানি পালেবাত্তে মনান্‌ দুয়ো যেনে তুমি এ দোল্‌ দেজ্‌ছানত্‌ থেই পারঅ আর উমরত্তে সোম্বোত্তি ইজেবে তমা বংশধরুনো আদত্‌ সিয়েনি দি যেই পারে।

গীতসংহিতা 78:7

সেক্কে তারা গোজেন উগুরে বিশ্বেজ্ গুরিবাক্; তার কামানি তারা ভুলি ন-যেবাক্ বরং তা উগুমানি পালেবাক্।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

দ্বি’লম্বর বিররণ 26:16

“তমার গোজেন লগেপ্রভু এচ্চ্যে তমার এই বেক্‌ সুদোমানি আর উগুমানি মানি চলিবার উগুম দের্‌। তুমি উঝিয়ার ওইনে বেক্‌ মনান-পরাণান দিইনে সিয়েনি পালন গুরিবা।

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 27:2

তুমি যর্দন গাঙান্‌ পার্‌ ওইনে তমার গোজেন লগেপ্রভুর দিয়্যে দেজত্‌ যেইনে কুদুক্কুন দাঙর্‌ দাঙর্‌ পাত্তর্‌ উজু গুরি নেযেবা আর সিগুন্‌ সিবিদি দিইনে লিবি দিবা,

দ্বি’লম্বর বিররণ 6:17

তমা গোজেন লগেপ্রভু যেদক্কানি উগুম্‌, উজিয়ারর্‌ কধা আর সুদোমানি দিয়্যে সিয়েনি হামাক্কায় তমাত্তুন্‌ পালন গরা পুরিবো।

যাকোব 2:10

যে মানুচ্চো বেক্ রীদি-সুদোমানি পালন গুরিনেয়ো বানা এক্কান পৌইদ্যেনে পাপ গরে তে বেক্‌ রীতি-সুদোমানি অমান্য গোজ্জ্যে বিলি কুয়ো অবঅ।