দ্বি’লম্বর বিররণ 26:2 - Chakma Bible

² সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

দ্বি’লম্বর বিররণ 26:2 ပူးပေါင်းရင်းမြစ်များ

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

২ বংশধর 31:5

এ উগুমান্‌ ফগদাঙ্‌ অনার্‌ লগে লগে ইস্রায়েলীয়গুনে তারার্‌ ক্ষেত-ক্ষেত্তিগানি, নূয়ো আংগুর-রস, তেল আর মধুর পোইল্যা ভাগ্‌কো আর ক্ষেদত্‌ যিয়েনি জর্মায় সিয়েনির্‌অ পৌইল্যা ভাগ্‌কো ভালোক্কানি দান গুরিলো। ইয়েনিবাদেয়ো তারা বেক্কানির্‌ দশ ভাগর্‌ একভাগ্‌ আনিলাক্‌ আর সিয়েনি বেক্কানিয়ে বোউত্‌ অলঅ।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যাত্রা 34:26

তমা ক্ষেদত্তুন্‌ কাবি আন্যে পত্তম ফসলর্‌ বেগত্তুন্‌ গম ভাগ্‌কো তুমি তমার গোজেন লগেপ্রভুর্‌ ঘরত্‌ নেযেবা। “ছাগল ছবোর্‌ য়েরাগান্‌ তার্‌ মাবো দুধতান্দোই ন-রানিবা।”

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিহিষ্কেল 20:40

সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

যিহিষ্কেল 44:30

পত্তমে কাপ্যে নানান্ বাবোত্যে ফসলর্ বেগত্তুন্ গম্ ভাগ্‌‌‌‌‌কান আর তমা বেক্ বক্‌‌‌‌‌শিজ্‌‌‌‌‌চানি ধর্মগুরুগুনোর অবঅ। তমার্ নুয়ো মোইদ্যের্ পত্তম ভাগ্‌‌‌‌‌কান তুই তারারে দিবে যেনে তমা পরিবার উগুরে আশিদ্‌‌‌‌‌বাদ থায়।

যিহিষ্কেল 48:14

লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

লেবীয় 2:12

পত্তমে তুল্যে ফসল উৎসর্ব গুরিবাত্তে তারা সদা আর মধু লগেপ্রভু ইদু নেযেই পারিবো, মাত্তর্‌ যে উৎসর্বর তুম্বাজে তে হুজি অয়্‌ এধোক্ক্যেন উৎসর্ব ইজেবে সদা আর মধু পুজোবো উগুরে পুড়োনা ন-চুলিবো।

লেবীয় 2:14

লগেপ্রভুর্ নাঙে উৎসর্ব গুরিবাত্তে যুনি তারা পত্তমে তুল্যে ফসল ভিদিরেত্তুন্‌ কনঅ শোজ্য আনন্‌ ছালে সেই নুয়ো শোজ্য দাঙর্‌ গুরি ভাঙিনে আগুন্দোত্ পুড়িনে আনা পুরিবো।

রোমীয় 11:16

মোইদ্যে তালত্তুন্ বানেয়্যে পত্তম্ রুটিগান যুনি পবিত্র অয় সালে দঅ গোদা তাল্লো পবিত্র। জলপাই গাজ্‌চোর্ গড়াগান্ যুনি পবিত্র অয় সালে তা ডেলাগুন্অ দঅ পবিত্র।

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

দ্বি’লম্বর বিররণ 16:10

সে পরেন্দি তমার নিজোর আওজে গোজ্যে উৎসর্বলোই তুমি তমার গোজেন লগেপ্রভুর নাঙে সাত সাপ্তার্ পরব্‌ পালন গুরিবা। তমার গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তুমি এ উৎসর্বর জিনিস্‌ছানি দিবা।

দ্বি’লম্বর বিররণ 18:4

তমার পত্তমে তুল্যে ফসল, নুয়ো আংগুরো-রস আর তেল আহ্‌ ছাগল-ভেড়ার কিয়্যেত্তুন পত্তমে কাবি নেযেয়্যে কেশ্‌ছানি তুমি ধর্মগুরুগুনোরে দিবা,

দ্বি’লম্বর বিররণ 26:1

তমার গোজেন লগেপ্রভু যে দেজ্‌চান সোম্বোত্তি ইজেবে তমারে দিবাত্তে যার্‌ তুমি সিয়েন্‌ গজক্ গুরিনে যেক্কে সিয়েনত্ বজত্তি গরা ধুরিবা,

দ্বি’লম্বর বিররণ 26:3

সেক্কে যে ধর্মগুরুবো থেবঅ তুমি বেক্কুনে তারে কবাদে, তর্‌ গোজেন লগেপ্রভু ইদু এচ্চ্যে মুই স্বীগের গরঙর্‌, তে যে দেজ্‌ছান আমারে দিবো বিলিনে আমার পুরোণি মানুচ্চুনো ইদু শমত খেইয়্যে সেই দেজ্‌ছানত্‌ মুই এই যেইয়োং।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।