দ্বি’লম্বর বিররণ 26:19 - Chakma Bible

¹⁹ তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

দ্বি’লম্বর বিররণ 26:19 ပူးပေါင်းရင်းမြစ်များ

গীতসংহিতা 148:14

তা মানুচ্চুনোরে তে খেমতাবলা গোজ্যে; সিয়েন তার বেক্ ভক্তগুনোর্ বাঈনী, তার কোচ্‌পেইয়্যে জাদ্ ইস্রায়েলর বাঈনী। লগেপ্রভুরে নাঙ্ গিনে ওক্।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 19:6

মর্‌ এই মানুচ্চুন্দোই বানা পুড়িবোদে মর্‌ ধর্মগুরুগুনোর্‌ রেজ্য আর এ জাদ্‌‌তোই অবঅ মর্‌ নাঙে ফারক্‌ গোজ্যে জাদ্। এই কধানি তুই ইস্রায়েলীয়গুনোরে জানেই দিচ্‌।”

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিরমিয় 13:11

মান্‌জ্যে কমরত্ যেবাবোত্যেগুরি জাংগি পিনোন্ সেবাবোত্যেগুরি মুই গোদা ইস্রায়েল আর যিহূদার বেক মানুচ্চুনোরে মঅ সমারে এগত্তর গোজ্যং, যেনে তারা মর্ সুনাঙ্, বাঈনী আর সর্মানত্তে মঅ মানুচ্ অন, মাত্তর্ তারা মঅ কধা ন-শুনোন্।

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

সফনিয় 3:19

যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

সফনিয় 3:20

ও যিরূশালেমর মানুচ্চুন, সে সময়োত্ মুই তমারে আনিনে এগত্তর্ গুরিম। মুই যেক্কে তমা অবস্থাগান্ ফিরেম সেক্কে পিত্‌‌‌থিমীর বেক জাদ্‌‌‌তুনো ইধু মুই তমারে সর্মান আর বাঈনী গরে পারা গুরিম, আর তুমি সিয়েন দেগিবা। মুই লগেপ্রভু এ কধাগান কঙর্।”

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

দ্বি’লম্বর বিররণ 27:1

মোশি ইস্রায়েলীয় বুড়ো নেতাগুনোরে সমারে নেযেইনে মানুচ্চুনোরে কলদে, “যেদক্কানি উগুম এচ্চ্যে মুই তমারে দুয়োঙর্‌ সিয়েনি তুমি পালেবা।

দ্বি’লম্বর বিররণ 28:1

তমার গোজেন লগেপ্রভু উগুরে যুনি তমার পূরোপুরি বাধ্যতা থায় আর এচ্চ্যে মুই তার যেদক্কানি উগুম তমারে দুয়োঙর্‌ সিয়েনি যুনি তুমি দোলেডালে পালন গরঅ, সালে তে পিত্‌থিমীর অন্য বেক্‌ জাদ্‌তুনো উগুরে তমারে জাগা দিবো।

দ্বি’লম্বর বিররণ 28:13

লগেপ্রভু এমন গুরিবো যেনে তুমি বেক্কুনো মাদা উগুরে থাগঅ, টেঙর্‌ তলে নয়। তমার গোজেন লগেপ্রভুর যেদক্কানি উগুম এচ্চ্যে মুই তমারে দুয়োঙর্ সিয়েনত্ যুনি তুমি শুনো আর দোলেডালে সিয়েনি পালঅ, সালে আমিঝে তমার জাগায়ান্‌ থেবঅ উগুরে, তলেন্দি নয়।

দ্বি’লম্বর বিররণ 28:9

যুনি তুমি তমার গোজেন লগেপ্রভুর উগুমানি পালন গরঅ আর তার পদেন্দি আদঅ সালে তে তার শমক্‌ গোজ্যে এগেম্ মজিম, তার যুদো গোজ্যে জাদ ইজেবে তমারে থিয়্যেবাত্তে দিবো।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।