দ্বি’লম্বর বিররণ 26:15 - Chakma Bible

¹⁵ ও লগেপ্রভু, তর্‌ পবিত্র থেবার জাগা স্বর্গত্তুন তুই তলেন্দি রিনি চাহ্ আর তঅ মানুচ্চুনোরে, অত্তাৎ ইস্রায়েলীয়গুনোরে তুই আশিদ্‌বাদ গর্‌। আমার পূরোণি মানুচ্চুনো ইদু তর্‌ শমক্‌ খেইয়্যে এগেম্ মজিম দুধ আর মধুলোই ভোজ্যে যে দেজ্‌ছান তুই আমারে দুয়োচ্‌ সে দেজ্‌ছানরেয়ো আশিদ্‌বাদ গর্‌।

দ্বি’লম্বর বিররণ 26:15 ပူးပေါင်းရင်းမြစ်များ

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

২ বংশধর 30:27

যেরেন্দি যে লেবীয়গুনে ধর্মগুরু এলাক্‌ তারা থিয়্যেইনে মানুচ্চুনোরে বর্ দিলাক্‌, আর গোজেনে তারার্‌ তবনাগান শুনিলো, কিত্তে তারার্‌ তবনাগান্‌ স্বর্গত্‌ তার্‌ পবিত্র থেবার্‌ জাগানত্‌ লুম্মেগোই।

গীতসংহিতা 28:9

ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

গীতসংহিতা 80:14

ও বেগত্তুন্ খেমতাবলা গোজেন, তুই ফিরি আয়; স্বর্গত্তুন্ তুই রিনি চাহ্ আর এ আংগুর লুদিগান দেগাশুনো গর্,

গীতসংহিতা 80:15

যে চারা গাজ্‌ছোরে তুই নিজো আঢ্‌তোই লাগেয়োচ্, যিবের ডেলাগুন তর্ নিজোত্যে তুই দরমর গোজ্যস্;

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিশাইয় 63:15

ও লগেপ্রভু, স্বর্গত্তুন, তর্ পবিত্র আর বাঈনী গুরিবার জাগানত্তুন্ তুই রিনি চাহ্। তর্ আওজ্‌চান আর তর্ খেমতাবলা কামানি কুদু? তর্ নরমভাব আর মেয়্যেগানি আমাত্তুন্ তুই সোরেই রাগেয়োচ্।‌

যিরমিয় 31:23

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

প্রেরিত্‌ 7:49

প্রভু কয়, স্বর্গ মর্ সিংহাসন, পিত্‌‌থিমীগান মর্ টেং থবার্ জাগা; মত্তে কিবাবোত্যে ঘর্ তুমি বানেবা? মর্ জিরেবার জাগায়ান্ কুদু অবঅ?

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 26:14

মরাগুনোত্যে আবিলেচ্‌ গরানা অবস্থায় মুই তর্‌ নাঙে যুদো গুরি রাগেয়্যে ভাগত্তুন কনঅ কিজু ন-খাং, বা অসিজি অবস্থায় সিগুন ঘরত্তুন ন-নিগিলাং, বা সিয়োত্তুন কনঅ ভাগ মরা মানুচ্চুনোর নাঙে দান ন-গরং। মুই মর্‌ গোজেন লগেপ্রভুর কধামজিম কাম্‌ গোজ্যং। তর্‌ উগুম গোজ্যেত্তুন বেক্কানিই মুই গোজ্যং।

দ্বি’লম্বর বিররণ 26:7

সেক্কে আামি আমার পুরোণি মানুচ্চুনোর গোজেন লগেপ্রভুর ইদু কানাকুদি গুরিলোং। তে আমার কানানিগান শুনিলো, আমার দুখ্‌ আর কামানি দেগিলো; আর দেগিলোদে আমা উগুরে কেধোক্ক্যেন অত্যেচার গরা ওইয়্যে।

দ্বি’লম্বর বিররণ 26:9

তে আমারে ইয়েনত্ আন্যে আর দুধ আর মধুলোই ভোজ্যে এ দেজ্‌ছান আমারে দিয়্যে।

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।