দ্বি’লম্বর বিররণ 26:13 - Chakma Bible

¹³ সে পরেন্দি তুমি বেক্কুনে তমার গোজেন লগেপ্রভুরে কবাদে, মুই তর্‌ উগুম মজিম মর্‌ আয়ত্তুন্‌ তর্‌ নাঙে যুদো গুরি রাগেয়্যে ভাগ্‌‌কো ঘরত্তুন নিগিলেই আনিনে লেবীয়গুনোরে, বিদেশী বাসিন্দাগুনোরে, মা-বাব নেইয়্যে আর রানিমিলেগুনোরে দুয়োং। তর্‌ উগুম মুই অমান্য ন-গরং বা সিয়েনির এক্কানঅ মুই পুরি ন-পেলাং।

দ্বি’লম্বর বিররণ 26:13 ပူးပေါင်းရင်းမြစ်များ

গীতসংহিতা 119:139

মঅ শত্রুগুনে তঅ কধানি ভুলি যেইয়োন্ বিলিনে তঅ সর্মানান রাগেবাত্তে অমকদ আওজ্ মর্ ওইয়্যে।

গীতসংহিতা 119:141

যুনিয়ো মুই চিগোন আর নগন্য, তো মুই তর্ সুদোমানি ভুলি ন-যাং।

গীতসংহিতা 119:153

মর্ দুঘ্‌কান্ চাহ্, মরে রোক্ক্যে গর্, কিত্তে মুই তঅ উগুমান্ ভুলি ন-যাং।

গীতসংহিতা 119:176

আরি যেইয়্যে ভেড়া ধোক্ক্যেন্ মুই বজং পধেন্দি যেয়োং; তঅ চাগর্‌বোরে তুই তোগেই লঅ, কিত্তে তঅ উগুমানি মুই ভুলি ন-যাং।

গীতসংহিতা 119:93

তর্ সুদোমানি কনদিন্‌অ মুই ভুলি ন-যেম্, কিত্তে সিয়েনিলোই দঅ তুই মরে নুয়ো বল্ দান গোজ্যস্।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:31

আমা প্রভু যীশু খ্রীষ্টর্ গোজেন আর বাপ্, যিবে উমরত্যে বাঈনী পেবার্, তে কোই পারে মুই মিজে কধা ন-কঙর্।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 26:12

পত্তি তিন বজরত তমার বেক্‌ ফসলানির দশ ভাগর এক ভাগ আদায় গরানা শেজ্‌ অলে সিগুন তুমি লেবীয়, বিদেশী আদাম্মেগুন, মা-বাপ নেইয়্যে আর রানি মিলেগুনোরে দিবা। সেক্কে সেই মানুচ্চুনোর তমার দেজ ভিদিরে খেই-দেই ঈল্‌ অবঅ।

দ্বি’লম্বর বিররণ 26:14

মরাগুনোত্যে আবিলেচ্‌ গরানা অবস্থায় মুই তর্‌ নাঙে যুদো গুরি রাগেয়্যে ভাগত্তুন কনঅ কিজু ন-খাং, বা অসিজি অবস্থায় সিগুন ঘরত্তুন ন-নিগিলাং, বা সিয়োত্তুন কনঅ ভাগ মরা মানুচ্চুনোর নাঙে দান ন-গরং। মুই মর্‌ গোজেন লগেপ্রভুর কধামজিম কাম্‌ গোজ্যং। তর্‌ উগুম গোজ্যেত্তুন বেক্কানিই মুই গোজ্যং।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।