দ্বি’লম্বর বিররণ 25:9 - Chakma Bible

⁹ মাত্তর্‌ তার ভেইবোর মোক্কো বুড়ো নেতাগুনোর মুজুঙোত্‌ মানুচ্চো ইদু যেইনে তার্‌ টেঙত্তুন এক জড়া জদা খুলি নেযেব আর তার মুয়োনত্‌ সেফ্‌ ফেলেইনে কবদে, ভেইয়োর বংশবো যে রোক্ষে গুরিবাত্তে ন-চায় তা উগুরে ইয়েনোই গরা অয়।

দ্বি’লম্বর বিররণ 25:9 ပူးပေါင်းရင်းမြစ်များ

ইয়োব 30:10

তারা মরে ঘিনেইনে মত্তুন্ দূরোত্ থান্; মঅ মুয়োত্ শেফ্ ফেলাদেয়ো তারা ন-দরান্।

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

গণাণা 12:14

জোবত্‌ লগেপ্রভু মোশিরে কলঅ, “তা বাপ্পো যুনি তার্‌ মুয়োনত্‌ শেফ্‌ ফেলে দিদো সালে কি তে সাত দিন সং সে লাচ্ছান্‌ কুদু তদঅ? সাত দিন তারে তাম্বুলো বারেন্দি বানি রাগঅ, সে পরেদি তারে ফিরেই আনা যেবঅ।”

মথি লেখ্যে গম্ হবর্ 26:67

সেক্কে মানুচ্চুনে যীশুর মুয়োনত্ সেফ্ ফেলেই দিলাক্ আহ্ ঘুষি চোড়্ মারিলাক্।

মথি লেখ্যে গম্ হবর্ 27:30

সেক্কে তা কিয়্যেত্ তারা সেফ্ ফেলেই দিলাক্ আর সে মুগোর্‌‍‍‍লোই তা মাঢাবোত্ বার্‌‍‍‍বার্ আঘাত্ গুরিলাক্।

মার্ক 1:7

তে যিয়েন্ ফগদাং গুরিদো সিয়েন অলঅ, “মঅ পরেদি এক্কো এজের্। তে মত্তুন্ বেশ্ খেমতাবলা। মাঢা নিগিরিনে তার্ জদার্ ফিতেগানি খুলিবার্ যগাজ্যেয়ো মুই নয়।

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

যোহন 1:27

যিবে মঅ পরেদি এবার্ কধা এলঅ। মুই তার্ জদা ফিটেগানি খুলিবার্ যগাজ্যে নয়।”

দ্বি’লম্বর বিররণ 25:10

ইস্রায়েলীয়গুনো ভিদিরে সে মানুচ্চোর বংশবোরে কুয়া অবঅ জদা আরেইয়্যে বংশ।

দ্বি’লম্বর বিররণ 25:8

সেক্কে সিদুগোর্ বুড়ো নেতাগুনে সেই মানুচ্চোরে ডাগিনে বুঝেবাক। ইয়েনর পরেন্দিয়ো যুনি তে কবাত্তে চায়দে, তে তারে লবাত্তে রাজী নয়,

রূত 4:6

এই কধাগান শুনিনে সেই কুদুম্মোবো কলঅ, “মুই সিয়েন গুরি ন-পারিম, কিত্যে মর্‌ নিজোর সোম্বোত্তিলোই সেক্কে মুই দযাত্ পুরিম। মুই যেক্কে সিয়েন ছাড়ি নেযেই ন-পারঙর্‌ সেক্কে তুয়ই নেযা।”

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।