দ্বি’লম্বর বিররণ 25:6 - Chakma Bible

⁶ সালে তার্‌ যে পত্তম্ পূঅ অবঅ তে সেই মোজ্জ্যেদে ভেইবোর নাঙান্‌ রোক্ষে গুরিবো আর সে ভেইবোর নাঙান্‌ ইস্রায়েলীয়গুনো ভিদিরেত্তুন বাদ দিয়্যে ন যেবঅ।

দ্বি’লম্বর বিররণ 25:6 ပူးပေါင်းရင်းမြစ်များ

পত্থম 38:8

যিহূদা সেক্কে ওননরে কলঅ, “তঅ ভেইবোর্‌ রানী মিলেবোরে তুই মোক্ ইজেবে লঅ। তা দিয়োর্‌ ইজেবে তর্‌ যিয়েন্‌ গরা পুরিবো সিয়েন্‌ গর্‌ আর তঅ ভেইবো ওইনে তা বংশবো রোক্ষ্যে গুরিচ্‌।”

পত্থম 38:9

ওননে হবর্‌ পেদ, সে বংশবো তার্‌ নিজোর্‌ ন-অবঅ। ভেইবোর্‌ ওইনে বংশ রোক্ষ্যে গুরিবার্‌ আওজ্ ন-থানায়্‌ যেদক্‌বার্‌ তে তা ভেইবোর্ মোক্কো ইধু গেলঅ সেদক্‌বার তে বীর্যগান মাদিত্‌ ফেলে দিলো।

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

গীতসংহিতা 9:5

তুই অন্য জাদ্‌তুনোরে ওদেই দুয়োচ্ আর পাজিগুনোরে ভস্ত গোজ্যস্; তারার্ নাঙানি তুই উমরত্যে বাদ্ দুয়োচ্।

দ্বি’লম্বর বিররণ 21:19

তো তার্‌ বাপ-মায় তারে তারার আদামত্‌ আর শঅরর্‌ গেদোত্‌ বুড়ো নেতাগুনো ইদু নেযেব।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

দ্বি’লম্বর বিররণ 9:14

না, তুই মরে মানা ন-গুরিচ্‌; মুই তারারে ভস্ত গুরি ফেলেম্‌ আর পিত্‌থিমীত্তুন্‌ তারার্‌ নাঙানি তুলি ফেলেম্‌। সে পরেন্দি তর্‌ মাধ্যমে মুই আরঅ বোলী আর দাঙর্‌ এক্কো জাদর্‌ সৃট্টি গুরিম্‌।