দ্বি’লম্বর বিররণ 25:1 - Chakma Bible

¹ যুনি মানুচ্চুনো ভিদিরে কোল্-কোজ্যে দেগা যায় আর সিয়েন আদালদত্‌ নেযা অয় সালে বিচারক্কুনে তার্‌ বিচের গুরিনে নিদ্দুজীবোরে নিদ্দুজী আর দুজীবোরে দুজী বিলিনে রায় দিবাক।

দ্বি’লম্বর বিররণ 25:1 ပူးပေါင်းရင်းမြစ်များ

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

১ রাজাবলী 8:32

মাত্তর্‌ তুই স্বর্গত্তুন্‌ সে কধানি শুনিচ্‌ আর সেধোক্কেনগুরি কাম্‌ গুরিচ্‌। সেক্কে তঅ চাগরুনোরে তুই বিচের্‌ গুরিনে দুষোর্‌ ফল তা মাঢাবোত্‌ চাপি দিইনে তারে দুষি বিলিনে প্রমাণ গুরিচ্‌ আর নিদ্দুজীবোরে তা কাম্‌ অনুসারে ফল দিইনে তারে নিদ্দুজি বিলিনে প্রমাণ গুরিচ্‌।

যাত্রা 22:9

অন্যজনর্ গজগত্‌ আঘে এধোক্ক্যেন কনঅ‌ গোরু বা গাধা বা ভেড়াছাগল বা পিনিবার কাবড়্‌ বা অন্য যে কনঅ আরেয়্যে জিনিস্‌ দেগিনে যুনি কনজনে কন্‌ সিয়েন্‌ তার্‌, সালে সিয়েন্‌ সামেলেবাত্তে দ্বি তপ্পেত্তুন্‌ গোজেন ইদু যেইনে আঝিল্ উয়ো পুরিবো। গোজেনে যারে দুষী ইজেবে ঠিগ্ গুরিবো তে অন্যজনরে সিগুনোর্‌ দ্বিগুন্‌ ফিরেই দিবো।

গম্ উপদেজ্ 17:15

যিগুনে দুষি মান্‌জ্যরে নিদ্দুষি বিলিনে ধরন আর যিগুনে নিদ্দুষিরে দুষি বানান্, তারারে দ্বিয়জনরে লগেপ্রভু ঘিনেই।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 5:20

অভিশাব্ পোড়োক্ সেই মানুচ্চুনোর্, যিগুনে ভান্ন্যেয়ানরে গম্ কন্ আর গমানরে কন্ ভান্ন্যেই, যিগুনে পহ্‌রানরে আন্ধার্ আর আন্ধারানরে পহ্‌‌‌‌‌র বিলি মনে গরন্, যিগুনে মিদেগানরে তিদে আর তিদেগানরে মিদে বিলি মনে গরন্।‌‌

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

আবিলেচ্ 3:35

মহান গোজেন মুজুঙোত্ মান্‌‌‌জ্যর অধিকারানরে অস্বীগের্ গরানা,

আবিলেচ্ 3:36

ন্যায়বিচের্ অবাত্তে ন-দেনা- ইয়েনি কি প্রভু ন-দেগিবো?

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

দ্বি’লম্বর বিররণ 17:11

তারা রীদি-সুদোম পৌইদ্যেনে তমারে যিয়েনি শিক্ষ্যে দিবাক আর যে রায়য়ান দিবাক সে ধোক্ক্যেন তুমি কাম্‌ গুরিবা। তারা তমারে যিয়েনি গুরিবাত্তে কবাক্ তুমি ঠিগ্ সিয়েনিই গুরিবা, ইন্দি উন্দি ন গুরিবা।

দ্বি’লম্বর বিররণ 24:22

পুরি ন-ফেলেয়ো তুমিয়ো মিসর দেজত্‌ চাগর্‌ এলা। সেনত্যে মুই তমারে এদক্কানি গুরিবাত্তে উগুম দুয়োঙর্‌।