দ্বি’লম্বর বিররণ 24:8 - Chakma Bible

⁸ চামঅ পিড়ে দেগা দিলে তমাত্তুন্‌ উজিয়ার্‌ উয়া পুরিবো আর লেবীয় ধর্মগুরুগুনে যে উগুম দিবাক সিয়েনি দোলেডালে পালন গরা পুরিবো। মুই তারারে যে উগুম দুয়োং তমাত্তুন্‌ উজিয়ার্‌ ওইনে সেধোক্ক্যেনগুরি চলা পুরিবো।

দ্বি’লম্বর বিররণ 24:8 ပူးပေါင်းရင်းမြစ်များ

যিরমিয় 33:18

মঅ মুজুঙোত্ থিয়্যেইনে নিত্য পুজ্যে-উৎসর্বর, শোস্য-উৎসর্বর আর এ্যামান-উৎসর্বর অনুষ্ঠান গুরিবাত্তে লেবীয় ধর্মগুরুগুনো ভিদিরেয়ো মান্‌জ্যর অভাব ন-অবঅ‍।”‍‍‍

লেবীয় 13:57

মাত্তর্‌ সেই জিনিস্‌ছানত্‌ যুনি আরঅ‌ ফারাঙি দেগা যায় সালে বুঝো পুরিবো সিয়েন্‌ ছিদি পোজ্যে। সে ফারাঙি-ধোজ্যে জিনিস্‌ছান্‌ আগুন্দোই পুড়ি ফেলা পুরিবো।

লেবীয় 14:14

যে মানুচ্চোরে সুদ্ধো-সাংগ গরা অবঅ ধর্মগুরুবো দুষ-উৎসর্বর য়েমানত্তুন্‌ কিজু লো লোইনে তার্‌ ডেন্‌-কান পাদাত্‌ আর ডেন্‌ আঢ আর ডেন্‌ টেঙর্‌ বুড়ো আঙুলোত্‌ লিবি দিবো।

লেবীয় 14:2

ভান্ন্যেই চামাড়ারুগ্‌ ওইয়্যে এধোক্ক্যেন কনঅ মান্‌জ্যর্‌ সুদ্ধো-সাংগ অবার দিনোত্‌ এ সুদোমান্‌ পালন গরা পুরিবো। তারে ধর্মগুরুগুনো ইদু নেযা পুরিবো।

লেবীয় 14:57

ইয়েনিত্তুন্‌ মানুষ বা জিনিস্‌চানি কক্কে সুদ্ধো-সাংগ আর কক্কে ফি-বলা অয় এ সুদোম ভিদিরে সে উগুমান্‌ রোইয়্যে। ইয়েন্‌ অলঅ ভান্ন্যেই চামাড়ারুগ্‌ আর ক্ষয়-গোজ্যে ফারাঙি পৌইদ্যেনে সুদোম।

মথি লেখ্যে গম্ হবর্ 8:4

যীশু তারে কলঅ, “শুন, কাররে এ কধাগান ন-কোচ্, বরং ধর্মগুরুগুনো ইধু যেইনে নিজোরে দেগা, আর মোশি যিয়েন্ উগুম গোজ্যে সেবাবোত্যে দান উৎসর্ব গর্। ইয়েন্দোই মানুচ্চুনো ইধু প্রমাণ অবঅ তুই গম্ ওইয়োচ্।”

মার্ক 1:44

“চেইজ্, এ কধাগান কাররে ন-কোজ্। তুই বরং ধর্মগুরুগুনো ইধু যেইনে নিজোরে দেগাগোই আর সিজি অবাত্যে মোশি যে উৎসর্বর উগুমানি দিয়্যে সিয়েনি উৎসর্ব গর্। ইয়েনিলোই ধর্মগুরুগুনো ইধু প্রমাণ অবঅ যে, তুই গম্ ওইয়োচ্।”

লূকে লেখ্যে গম্ হবর্ 17:14

সেই পীড়েল্যেগুনোরে দেগিনে যীশু কলঅ, “ধর্মগুরুগুনো ইধু যেইনে নিজোরে দেগা।” তারা পধেদি যাদে যাদে গম্ ওই গেলাক্।

লূকে লেখ্যে গম্ হবর্ 5:14

যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”