দ্বি’লম্বর বিররণ 24:6 - Chakma Bible

⁶ কজ্জর্‌ বন্ধক ইজেবে কারঅ চড়্‌গা কল্ বা তা উগুরে পাত্তরানঅ নেযানা ন-চলিবো, কিত্যে সেক্কে মানুচ্চোর্‌ বাঁজি থেবার্‌ উপাইয়ান বন্ধক নেযা অবঅ।

দ্বি’লম্বর বিররণ 24:6 ပူးပေါင်းရင်းမြစ်များ

পত্থম 44:30

“সেনত্তে ইক্কিনে যুনি তঅ চাগর্‌বো ইধু, অত্তাৎ আমা বাপ্পো ইধু আমি ফিরি যেই সালে ঘেচ্চেক্ঘুরি তে মুরি যেবঅ, কিত্তে পুয়োবো সমারে তা পরানান্‌ যেন একলগে বান্যে আঘে। এবাবোত্যেগুরি তঅ চাগরুনে তারা বুড়ো বাপ্পোরে, অত্তাৎ তঅ চাগর্‌বোরে বোউত্‌ দুঘে মরণ জাগাত পাদেবাক্।

ইয়োব 22:6

তুই এনেবাদে তঅ ভেইয়ুনোত্তুন্‌ বন্ধক্‌ নেযেদে; তুই মানুচ্চুনোর্‌ কাবড়ানি খুলি নেযেইনে তারারে লাংটা-ভাংটা রাগেইদে।

মথি লেখ্যে গম্ হবর্ 24:41

দ্বিজন্ মিলেই মেশিন্ ঘুরেবাক্; একজনরে নেযা অবঅ, অন্যজনরে ফেলেই যাহ্ অবঅ।

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

দ্বি’লম্বর বিররণ 20:19

তুমি ভালোক্‌ দিন ধুরিনে যেক্কে কনঅ আদাম বা শঅর ঘিরি রাগেইনে সিয়েন গজক্ গুরিবাত্তে যুদ্ধো গরা ধুরিবা সেক্কে কুড়োল্‌লোই সে জাগানর কন গাজ্‌ বরবাদ্ ন-গুরিবা, কিত্যে সিগুনোর গুলোগুন তুমি হেই পারিবা। সিগুন তুমি কাবি ন ফেলেবা। মাদর্‌ সে গাচ্চুন্‌ দঅ আর্‌ মানুচ্‌ নয়, সিগুনোরে তমাত্তুন আক্রমণ গরা পুরিবো।

দ্বি’লম্বর বিররণ 24:5

কয়েকদিন অলঅ মোক্‌ লোইয়্যে এবাবোত্যে কনঅ মান্‌জ্যরে যুদ্ধোত্‌ পাদানা ন-চলিবো আর তা উগুরে অন্য কনঅ কামর্‌ বুদি চাপি দেনা ন-চলিবো। তে যিবেরে মোক্‌ লোইয়্যে তা খুজিত্তে এক বজর সং এই কামানিত্তুন্‌ রেহাই দিইনে তারে ঘরত্‌ থেবাত্তে দিয়্যে পুরিবো।

দ্বি’লম্বর বিররণ 24:7

যুনি দেগা যায়দে, কনঅ মানুচ্‌ কনঅ ইস্রায়েলীয় ভেইয়োরে চুর্‌ গুরি নেযেইনে চাগর্‌ ইজেবে বেবহার গোজ্যে বা বিজি দিয়্যে, তো সে চুর্‌বোত্তুন্‌ মরা পুরিবো। তমা ভিদিরেত্তুন্‌ তুমি এবাবোত্যে ভান্ন্যেইয়ানি শেজ্‌ গুরি ফেলেবা।

ফগদাং পেইয়্যে 18:22

যিগুনে বীণা বাজান্, গীদ্ গান্ আর বাশী বা তূরী বাজান্ তারার্ রগুন আর কনদিনঅ তমা ইধু শুনো ন-যেবঅ। আর কনদিনঅ তমা ইধু কনঅ বাবদে কাবিল মিস্ত্রি পাহ্ ন-যেবঅ। কনঅ মিশিনো আবাজ্ আর কনদিনঅ তমা ইধু শুনো ন-যেবঅ।