দ্বি’লম্বর বিররণ 24:2 - Chakma Bible

^2-3 আর মিলেবো তার্‌ ঘরত্তুন যেইনে যুনি আর কাররে নেক্‌ লয় আর তার্‌ দ্বিলম্বর নেক্কোয়ো যুনি পরেন্দি তারে দোল্‌ ন-দেগিনে তা উগুরে সেধেক্ক্যেন্‌ গরে, বা সেই নেক্কো যুনি মুরি যায়,

দ্বি’লম্বর বিররণ 24:2 ပူးပေါင်းရင်းမြစ်များ

যিহিষ্কেল 44:22

রানিমিলে বা নেক্কো যিবেরে ছাড়ি দিয়্যে এবাবোত্যে মিলেরে তারা ন-লবাক্; তারা বানা ইস্রায়েল জাদর্ গাবুজ্যে মিলেরে বা ধর্মগুরুর্ রানি মিলেরে লোই পারিবাক্।

লেবীয় 21:14

রানিমিলে বা নেগে যিবেরে ছাড়ি দিয়্যে বা বেশ্যে ওইনে যে নিজোরে ফি-বলা গোজ্যে এধোক্ক্যেন কনঅ মিলেমান্‌জ্যরে তার্‌ মোগ্‌ লনা ন-চলিবো। বানা নিজোর্‌ জাদ গাবুজ্যে মিলেরে তে মোগ্‌ লোই পারিবো,

লেবীয় 21:7

বেশ্যে, মাগি বা নেগে ইরি দিয়্যে কনঅ মিলেমান্‌জ্যরে তারাত্তুন মোগ্‌ লনা ন-চলিবো। যিবে তারার্‌ গোজেন তার্‌ নাঙে তারা যুদো গুরি রাগেয়্যে।

লেবীয় 22:13

মাত্তর্‌ ধর্মগুরুবোর্‌ কনঅ রানিমিলে বা নেগে ছাড়ি দিয়্যে ভাজ্‌ ওইয়্যে মিলে যুনি বাবঅ ঘরত্‌ আগ ধোক্ক্যেন থেবাত্তে ফিরি এজে সালে তে তার্‌ বাবর্‌ খাইদে ভাক্কান্‌ পেবঅ। ধর্মগুরুর্‌ পরিবারর্‌ নয় এধোক্ক্যেন কনজনে সিয়েন্‌ হেই ন-পারিবাক্।

গণাণা 30:9

রানিমিলে বা নেক্কো যিবেরে ছাড়ি দিয়্যে এধোক্ক্যেন কনঅ মিলে যুনি কনঅ মানত্‌ গরন্‌ বা এগেম্বোই নিজোরে বাঁনন্‌ সালে সিয়েন্‌ পূরোণ গরা পুরিবো।

মথি লেখ্যে গম্ হবর্ 5:32

মাত্তর্ মুই তমারে কঙর্, যুনি কনজনে বেভিচের দুষ্ বাদে অন্য কনঅ কারনে মোগোরে ছাড়ি দে তে তারে বেভিচারিনি বানায়। আর যিবেরে ছাড়ি দিয়্যে ওইয়্যে সে মিলেবোরে যে লয় তেয়ো বেভিচের্ গরে।

মার্ক 10:11

সেক্কে তে তারারে কলঅ, “যে কনজনে নিজো মোক্কোরে ছাড়ি দিইনে অন্য মিলেরে লয় তে তা মোক্কো বিরুদ্ধে বেভিচের্ গরে।

১ করিন্হীয় 7:15

মাত্তর্ যুনি সেই অবিশ্বেজি নেক্কো বা মোক্কো যেবাত্তে চায় সালে তে যোক্। এবাবোত্যে অবস্থায় সেই বিশ্বেজি ভেই বা বোন্নো কনঅ বানা-বান্যের্ মধ্যে ন-থায়। গোজেনে দঅ আমারে সুগে-শান্দিয়্যে থেবাত্তে ডাক্ক্যে।

দ্বি’লম্বর বিররণ 24:1

মেলা গরানার পরেন্দি যুনি কনজনে মোক্কো ভিদিরে কনঅ দুজ্‌ দেগিনে তা উগুরে বেজার্‌ অয় আর ছুড়্ কাবোজ্‌ লিগিনে তা আদত্‌ দিইনে তারে ঘরত্তুন্‌ বিদেয় গুরি দে,