দ্বি’লম্বর বিররণ 24:19 - Chakma Bible

¹⁹ তমার ভুইয়োর ফসলানি কাবিবার পরেন্দি যুনি শোজ্যর্‌ কনঅ বনা তুমি লগে লগে নিবাত্তে পুরি পেলঅ মাত্তর্‌ সিবে আর ফিরেই আনিবাত্তে ন-যেয়ো। বিদেশী বাসিন্দা, অসহায় আর রানিমিলেগুনোত্তে সিগুন থোই দুয়ো। সেক্কে তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গুরিবো।

দ্বি’লম্বর বিররণ 24:19 ပူးပေါင်းရင်းမြစ်များ

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গম্ উপদেজ্ 14:21

যে তার পাড়াল্যেবোরে ঈচ্ গরে তে পাপ গরে, মাত্তর্ যে অভাবিগুনোরে দোয়্যে গরে তে বর্ পেইয়্যে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

যিশাইয় 32:8

মাত্তর্ গম্ মান্‌জ্যে গম্ পরিকল্পনা গরন্ আর তার গম্ কামানিলোই তে থির্ থায়।

লেবীয় 23:22

“তুমি যেক্কে তমার ভূইয়োর্ ক্ষেত্তানি কাবিবা সেক্কে ভূইয়ো দুঝির্‌ ক্ষেত্তানি তুমি ন-কাবিবা আর পড়ি থেইয়্যে শোজ্য থুবেইনে ন-নেযেবা। সিগুন্‌ নাদামানুচ্‌ আর দেজত্‌ বজত্তি গোজ্যে অন্য জাদর্‌ মানুচ্চুনোত্তে থুয়ো পুরিবো। মুই লগেপ্রভু তমার্ গোজেন।”

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

লূকে লেখ্যে গম্ হবর্ 6:38

দান্ গরঅ, সেক্কে গোজেনেয়ো তমারে দিবো, বোউত্ বেশ্ গুরি, চাপি চাপি, ঝাগেরে ঝাগেরে, উগুরি পড়েদে ধোক্ক্যেন্ গুরি তমারে দিয়্যে অবঅ, কারন যেবাবোত্যেগুরি তুমি মাবি দুয়ো সেবাবোত্যেগুরি তমাত্তে মাবা অবঅ।”

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।

দ্বি’লম্বর বিররণ 24:18

মনত্‌ রাগেয়ো, মিসর দেজত্‌ তুমিয়ো চাগর্‌ এলা আর তমার গোজেন লগেপ্রভু সিয়োত্তুন্‌ তমারে উদ্ধোর গুরি আন্যে। সেনত্যেই মুই তমারে ইয়েনি গুরিবার উগুম দুয়োঙর্‌।

দ্বি’লম্বর বিররণ 26:13

সে পরেন্দি তুমি বেক্কুনে তমার গোজেন লগেপ্রভুরে কবাদে, মুই তর্‌ উগুম মজিম মর্‌ আয়ত্তুন্‌ তর্‌ নাঙে যুদো গুরি রাগেয়্যে ভাগ্‌‌কো ঘরত্তুন নিগিলেই আনিনে লেবীয়গুনোরে, বিদেশী বাসিন্দাগুনোরে, মা-বাব নেইয়্যে আর রানিমিলেগুনোরে দুয়োং। তর্‌ উগুম মুই অমান্য ন-গরং বা সিয়েনির এক্কানঅ মুই পুরি ন-পেলাং।

রূত 2:16

তুমি আজলে ফসল কাবিবার সময় কিজু কিজু শীজে টানিনে নিগিলেই রাগে দুয়ো আর তারে সিগুন কুড়েবাত্তে দুয়ো, ধমক্ ন-দুয়ো।”

রূত 2:2

একদিন্যে মোয়াবীয় রূতে নয়মীরে কলঅ, “মুই ক্ষেদত্‌ যেইনে পড়ি-আগন্দে ধান শীজেগুন্‌ কুড়ে আনিমবোই নাহি? যে মরে মেইয়্যে গুরিনে কুড়েই নিবাত্তে দিবো মুই তা পিজে পিজে থেইম্‌।” নয়মী তারে কলঅ‌, “অয়, মা, যাহ্।”