দ্বি’লম্বর বিররণ 24:18 - Chakma Bible

¹⁸ মনত্‌ রাগেয়ো, মিসর দেজত্‌ তুমিয়ো চাগর্‌ এলা আর তমার গোজেন লগেপ্রভু সিয়োত্তুন্‌ তমারে উদ্ধোর গুরি আন্যে। সেনত্যেই মুই তমারে ইয়েনি গুরিবার উগুম দুয়োঙর্‌।

দ্বি’লম্বর বিররণ 24:18 ပူးပေါင်းရင်းမြစ်များ

যাত্রা 22:22

“কনঅ‌ রানিমিলেরে বা কনঅ মা-বাপ্‌ নেইয়্যে পূঅরে বা ঝিরে দুখ্‌ ন-দুয়ো।”

লেবীয় 19:33

তমা দেজত্‌ তমা ভিদিরে বজত্তি গোজ্যে অন্য জাদর্‌ মানুচ্চুনো সমারে বজং বেবহার্‌ গরানা ন-চলিবো।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 16:12

মিসর দেজত্‌ তুমিয়ো যে চাগর্‌ এলা সে কধাগান মনত্‌ রাগেয়ো তুমি এই বেক্‌ সুদোমানি দোলেডালে পালেবা।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

দ্বি’লম্বর বিররণ 24:19

তমার ভুইয়োর ফসলানি কাবিবার পরেন্দি যুনি শোজ্যর্‌ কনঅ বনা তুমি লগে লগে নিবাত্তে পুরি পেলঅ মাত্তর্‌ সিবে আর ফিরেই আনিবাত্তে ন-যেয়ো। বিদেশী বাসিন্দা, অসহায় আর রানিমিলেগুনোত্তে সিগুন থোই দুয়ো। সেক্কে তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গুরিবো।

দ্বি’লম্বর বিররণ 24:22

পুরি ন-ফেলেয়ো তুমিয়ো মিসর দেজত্‌ চাগর্‌ এলা। সেনত্যে মুই তমারে এদক্কানি গুরিবাত্তে উগুম দুয়োঙর্‌।

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।