দ্বি’লম্বর বিররণ 23:8 - Chakma Bible

⁸ তমা ভিদিরে বজত্তি গরানার পরেন্দি তিন আজুত্তুন ধুরিনে ইগুনে লগেপ্রভুর মানুচ্চুনোর সমাজত্ মিজেই পারিবাক্‌।

দ্বি’লম্বর বিররণ 23:8 ပူးပေါင်းရင်းမြစ်များ

পত্থম 25:25

পোইল্যে যে পুয়োবোর জর্ম অলঅ তা কিয়্যে রঙান্‌ এলঅ রাঙা আর তা কিয়্যেগান কেশ সুলুমো ধোক্ক্যেন কেশ্‌সোই ঢাক্ক্যে। সেনত্তে তার নাঙান্‌ রাগা ওইয়্যে এষৌ (যিয়েনর ভেদ্তান্ “কেজ্‌বলা”)।

পত্থম 25:26

সে পরেদি এষৌর টেংঅ মুরিবো-ধোজ্যে গুরি তা ভেইয়োর জর্ম অলঅ। সিয়েনত্তে তা নাঙান্‌ রাগা অলঅ যাকোব (যিয়েনর ভেদ্তান্ “টেংঅ মুরি ধোজ্যে”)। ইস্‌হাকর ষায়েত্‌ বজর বয়জত্‌ তা মোক্কোর্‌ পেদত্‌ ইগুনোর জর্ম ওইয়্যে।

১ রাজাবলী 3:1

শলোমন মিসরর রাজা ফরৌণর ঝিবোরে মোক্‌ লোইনে তা লগে দাংগুত্ব গরানাগান্ থিদেবর্ গুরিলো। শলোমনর্ রাজঘর, লগেপ্রভুর ঘর আর যিরূশালেমর চেরোকিত্তে দেবাল্লোই ঘিজ্যে থুম্‌ ন-অনা সং তে তা মোক্কোরে দায়ূদ-শঅরত্‌ রাগেল।

ইষ্রা 9:1

এ কামানি থুম্ ওই গেলে পরেদি নেতাগুনে মইধু এইনে কলাক্, “ইস্রায়েলীয়গুন আর তারার্ ধর্মগুরুগুন আহ্ লেবীয়গুনে তারার্ দেজত্ বজত্তিগুরিয়্যে অন্য জাদ্‌তুনো ইত্তুন্ নিজোরে যুদো গুরি ন রাগান্। তারা কনানীয়, মিসরীয় আর ইমোরীয়গুনো ধোক্ক্যেন জঘন্য কাম গোজ্যন্।

যাত্রা 22:20

লগেপ্রভুরে বাদে যুনি কনজনে কনঅ‌ দেবেদা ইদু কিজু উৎসর্ব গরন্‌ সালে তারেয়ো মারে ফেলা পুরিবো।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

ওবদিয় 1:10

তঅ ভেই যাকোব বিরুদ্ধে অত্যেচারত্তে তুই লাজে ঢাগি যেবে; তুই উমরত্তে ভস্ত অবে।

দ্বি’লম্বর বিররণ 10:19

তুমিয়ো বিদেশীগুনোরে কোচ্‌পেয়ো, কিত্যে মিসরত্‌ তুমিয়ো বিদেশী এলা।

দ্বি’লম্বর বিররণ 23:7

মাত্তর্‌ ইদোমীয়গুনোরে তুমি ন-ঘিনেবা, কিত্যে তারা তমার ভেই। মিসরীয়গুনোরেয়ো ন-ঘিনেবা, কিত্যে তারার্‌ দেজত্‌ তুমি বিদেশী ইজেবে বজত্তি গোজ্য।

দ্বি’লম্বর বিররণ 23:9

শত্রুগুনোর বিরুদ্ধে যুদ্দো গুরিবাত্তে যেইনে তাম্বুল ফেলেবার পরেন্দি বেক্‌ অসিজিগানিত্তুন্‌ তুমি দূরোত্‌ থেবা।

১ শমূয়েল 30:11

পরেন্দি এক্কো মাদ ভিদিরে তা মানুচ্চুনে এক্কো মীসরীয় মান্‌জ্যরে দেগিলাক্। তারা তারে দায়ূদো ইদু নেযেলাক্ আর হানা আর পানি হেবাত্তে দিলে তে সিয়েনি হেলঅ।