দ্বি’লম্বর বিররণ 23:18 - Chakma Bible

¹⁸ মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

দ্বি’লম্বর বিররণ 23:18 ပူးပေါင်းရင်းမြစ်များ

১ রাজাবলী 14:24

এন্‌ কি, তারার্‌ দেজত্‌ মরদ্‌ মন্দির-বেশ্যেয়ো এলাক্‌। যে জাত্তুনোরে লগেপ্রভু ইস্রায়েলীয়গুনোর্‌ মুজুঙেত্তুন্‌ দূর্‌ গুরি দিয়্যে তারার্‌ বেক্‌ ঈচ্ গরেদে কামানি যিহূদার মানুচ্চুনে গরা ধুরিলাক্‌।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গম্ উপদেজ্ 26:11

কুগুরে যেধোক্ক্যেন্ নিজো ওগোল্যে ইন্দি ফিরে, সেধোক্ক্যেন্ বিবেচনা নেইয়্যে মানুচ্চোয়ো আরঅ ভুল্ গরে।

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিহিষ্কেল 16:33

বেক্ বেশ্যেগুনে বক্‌শিজ্ পান, মাত্তর্ তুই তর্ বেক লাঙেগুনোরে বক্‌‌শিজ্ দি থাচ্। তঅ লগে সিনেলী গুরিবাত্তে যেনে তারা বেক্ জাগানিত্তুন্ তইধু এজন্ সেনত্তে তুই তারারে ঘুষ্ দি থাচ্।

লেবীয় 18:22

মিলে সমারে কিয়্যেদি মিজেইদ্যে ধোক্ক্যেন গুরি মরদ সমারে মরদর্‌ কিয়্যেদি মিজেনাগান ন-চলিবো। ইয়েন্‌ এক্কান্‌ জঘন্য কাম।

লেবীয় 19:29

নিজোর্‌ ঝিবোরে বেশ্যে বানেইনে তারে তলে লামানা ন-চলিবো। সিয়েন্‌ গুরিলে দেজত্‌ বেশ্যেগিরি বাড়িবাক্‌ আর যেরেন্দি দেজ্‌চান্‌ কজরালোই ভুরি যেবঅ।

লেবীয় 20:13

মিলেমান্‌জ্য সমারে কিয়্যেদি মিজেইদে ধোক্ক্যেন গুরি যুনি কনজনে মরদ সমারে মিজেই সালে সিয়েন্‌ দ্বিজনর্‌ পক্ষে এক্কান জঘন্য বেপার। তারারে মারে ফেলা পুরিবো। তারা নিজোর্‌ মরণানত্তে নিজেরাই দায়ী।

লেবীয় 7:16

এ উদোলোলি-উৎসর্ব যুনি কনঅ মান্যে ছিড়েবাত্তে গরা অয়্‌ অথবা উৎসর্ব গুরিয়্যেবো নিজোর্‌ আওজে সিয়েনি গরে ছালে সে উৎসর্বর য়েরাগান সেদিন্যে হা পুরিবো। যুনি কিজু বাগি থায়্‌ ছালে তার্‌ কেল্যেয়ো হেই পারিবো,

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

দ্বি’লম্বর বিররণ 12:6

তুমি তমার পুজ্যে-উৎসর্গ আর অন্য য়েমান-উৎসর্ব, তমার আয়র্‌ দশ ভাগর এক ভাগ, তমার বিশেষ দান আর মান্যা ছিড়েবার উৎসর্ব, তমার নিজোর আওজে গোজ্যে উৎসর্ব আর তমার গোরু-ছাগল-ভেড়ার পত্তম্‌ ছঅবুয়ো সিয়োদোই নেযেবা।

দ্বি’লম্বর বিররণ 22:21

মাত্তর মিলেবোরে তা বাপ্পোর ঘরর্‌ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্‌ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা।

দ্বি’লম্বর বিররণ 23:21

তমার গোজেন লগেপ্রভু ইদু যুনি তুমি কনঅ মানত্‌ গরঅ সালে সিয়েন্‌ ছিরেদে দেরী ন-গোজ্য, কিত্যে তমা গোজেন লগেপ্রভু কনদিনঅ সিয়েন্ ইরি ন-দিবো। সিয়েন্‌ ন-ছিড়েলে তমার্‌ পাপ্‌ অবঅ;

ফিলিপীয় 3:2

সেই কুগুরুনোত্তুন্, অত্তাৎ যিগুনে ভান্ন্যেই কাম্ গরন্ আর কিয়্যে উগুরে কাবা-কুদো গরানা উগুরে জোর্ দুয়োন তারাত্তুন্ উজিয়ার্!

২ পিতর 2:22

তারা পৌইদ্যেনে এই ঢাগঅ কধাগান সত্য ওইনে উঠ্যে, “কুগুরে নিজো ওগোল্ল্যে ইন্দি ফিরোন্,” আর, “শুগররে ধলেয়ো তে পেগত্ গজ্জায়।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।