দ্বি’লম্বর বিররণ 22:9 - Chakma Bible

⁹ আংগুর ক্ষেদত্‌ তুমি দ্বিজাদর বীজি ন-লাগেবা; সিয়েন গুরিলে সে বীজিগুনোর ফসল বা ক্ষেদর আংগুরুন দুনোবো তমাত্যে মানা গোজ্যে অবঅ।

দ্বি’লম্বর বিররণ 22:9 ပူးပေါင်းရင်းမြစ်များ

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

মথি লেখ্যে গম্ হবর্ 9:16

কনজনে পুরোন্ সিলুমোত্ নুয়ো কাবড়্ জড়া ন-দুয়োন, কিয়া যেরেদি পুরোণ কাবড়ানত্তুন্ নুয়ো তালিগান্ ছিনি এজে আর সেক্কে সেই ফাদাগান্ আরঅ দাঙর্ অয়।

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

দ্বি’লম্বর বিররণ 22:8

ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।

যাকোব 3:10

আমা একই মুয়োদি বাঈনী গরানা আর অভিশাব্ নিগিলি এজে। মর্ ভেইয়ুন্, এবাবোত্যে অনা উচিত্ নয়।