দ্বি’লম্বর বিররণ 22:8 - Chakma Bible

⁸ ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।

দ্বি’লম্বর বিররণ 22:8 ပူးပေါင်းရင်းမြစ်များ

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

যাত্রা 22:6

যুনি কনঅ‌ জাগাত্তুন্‌ আগুন কাদাঝুবোত্‌ যেইনে ধরেগোই আর পরেন্দি ছিদি যেইনে থুবেই রাগেয়্যে বা মাদত্‌ উজু গুরি আগন্দে শোজ্যগুন্‌ বা পুরো ক্ষেত-ক্ষেত্তিগানি পুড়ি যায়, মাত্তর্‌ আগুনান্‌ যে জ্বালেয়ে তাত্তুন্‌ সিয়েনর্‌ ক্ষোতি পূনোণ্‌ দিয়্যে পুরিবো।

যিশাইয় 22:1

দর্শন-কলগ পৌইদ্যেনে লগেপ্রভুর কধাগান ইয়েন: তর্ ইক্কিনে কি ওইয়্যেদে যে, তর্ বেক মানুচ্চুনে ছাল উগুরে উঠ্যন্?

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিহিষ্কেল 3:18

মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

মথি লেখ্যে গম্ হবর্ 10:27

মুই তমা ইধু যিয়েনি আন্ধারত্ কঙর্ সিয়েনি তুমি পহ্‌রত্ কোয়ো। তুমি যিয়েনি কানে কানে শুনোর্ সিয়েনি ছাল উগুরেত্তুন্ ফগদাং গোজ্য।‍

মার্ক 2:4

মাত্তর্ ভিড়োত্তে তারা তারে যীশু ইধু নেযেই ন-পারিলাক্। ইয়েনত্তে যীশু যিয়েনত্ এলঅ ঠিগ্ তা উগুরে ঘর ছালর্ কিজু ভাগ্ তারা সোরেই ফেলেলাক্। সে পরেদি সেই খুলো জাগানদি পাদি সুদ্ধো সেই বেসৎ-পীড়েল্যেবোরে তলেদি লামেই দিলাক্।

প্রেরিত্‌ 10:9

তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

দ্বি’লম্বর বিররণ 22:7

তুমি ছগুন নেযেই পার মাত্তর্‌ মাবোরে হামাক্কায় তমাত্তুন ইরি দিয়্যে পুরিবো। সেক্কে তমার ভালেদি অবঅ আরঅ তুমি ভালোক্‌ দিন বাঁজি থেবা।

দ্বি’লম্বর বিররণ 22:9

আংগুর ক্ষেদত্‌ তুমি দ্বিজাদর বীজি ন-লাগেবা; সিয়েন গুরিলে সে বীজিগুনোর ফসল বা ক্ষেদর আংগুরুন দুনোবো তমাত্যে মানা গোজ্যে অবঅ।

ফিলিপীয় 1:10

সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্‌পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

১ শমূয়েল 9:25

ইয়েনর্ পরেন্দি তারা সেই উজু জাগানত্তুন্‌ শঅরত্‌ ফিরি এলাক্। সে পরেন্দি শমূয়েলে তা ঘরর্‌ ছালত্‌ শৌল সমারে কধাবাত্তা কলঅ।