দ্বি’লম্বর বিররণ 22:30 - Chakma Bible

³⁰ সাদাঙা মারে কনজনে মোক্‌ ইজেবে লোয়্‌ ন-পারিবো; সেক্কে তে তা বাব মোক্কো সমারে সিনেলী গুরিনে বাপ্পোরে অসর্মান গুরিবো।

দ্বি’লম্বর বিররণ 22:30 ပူးပေါင်းရင်းမြစ်များ

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

লেবীয় 18:8

সাদাঙা মা-সমারে কিয়্যেদি মিজেনা ন-চলিবো। সিয়েন্‌ গুরিলে বাপ্পোরে অগমান গরা অবঅ।

লেবীয় 20:11

যে তার্‌ সাদাঙা মা সমারে কিয়্যেদি মিজেয়্‌ তে তার্‌ বাপ্পোরে অসর্মান গরে। সিয়েন্‌ গুরিলে তারে আর তার্‌ সাদাঙা মাবোরে মারে ফেলা পুরিবো। তারা নিজোর্‌ মরণানত্তে নিজেই দায়ী।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

১ করিন্হীয় 5:13

যিগুনে বারেদি তারারে গোজেনে বিচের্ গুরিবো। পবিত্র বোইবোর্ কধা মজিম,“তমা ভিদিরেত্তুন্ সেই বজং মানুচ্চোরে নিগিলেই দুয়ো।”

দ্বি’লম্বর বিররণ 22:29

সালে মানুচ্চোত্তুন্‌ মিলেবো বাপ্পোরে আধা কেজি রুবো দিয়্যে পুরিবো। মিলেবোরে বরবাদ্ গোজ্যে বিলিনে তারে তাত্তুন্‌ মোক্‌ লুয়ো পুরিবো। তে জীংকানিত্‌ কনদিনঅ তারে ইরি দিই ন-পারিবো।

দ্বি’লম্বর বিররণ 27:20

সে মানুচ্চো অভিশাব খেইয়্যে, যে তার সাদাঙা মাবো লগে সিনেলী গরে, কিত্যে সেক্কে তা বাপ্পোরে তে অসর্মান গরে। সেক্কে বেক্কুনে কবাক, আমেন।

রূত 3:9

তে তারে পুজোর গুরিলো, “কন্না তুই?” রূতে কলঅ, “মুই তর্‌ চাগরানি রূত। তুই তঅ কাবড় তলে তর্‌ এই চাগরানিবোরে আশ্রয় দে, কিত্যে তুই মর্‌ কাম ভারান্ লোইয়্যে কুদুম্মোগুনো ভিদিরেত্তুন এক্কো।”