দ্বি’লম্বর বিররণ 22:21 - Chakma Bible21 মাত্তর মিলেবোরে তা বাপ্পোর ঘরর্ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা। အခန်းကိုကြည့်ပါ။ |
দ্বি’লম্বর বিররণ 22:21
24 ပူးပေါင်းရင်းမြစ်များ
সেই ভাববাদী বা সেই স্ববনে-দেখ্যে মানুচ্চোরে মারে ফেলা পুরিবো, কিত্যে তমার গোজেন লগেপ্রভু, যিবে মিসরত্তুন্ তমারে নিগিলেই আন্যে আর সেই চাগর্ খাদানার দেজত্তুন্ তমারে উদ্ধোর গোজ্যে, তে তা বিরুদ্ধে উল্লোমির উচ্চোমি দিয়্যে আর তমার গোজেন লগেপ্রভু যে পদেন্দি চলিবাত্তে তমারে উগুম্ দিয়্যে সে পধত্তুন্ তমারে ফিরেবাত্তে চেট্টা গোজ্যে। তমা ভিদিরেত্তুন্ সেই ভান্ন্যেইয়ানি তুমি শেজ্ গুরি দিবা।
পিত্থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্ মোক্ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্, আদিচ্, আমি যেইনে দেব-দেবেদাগুনোর পূজো গুরিই,
মাত্তর্ তারার্ দ্বিজনরে সিদুগোর্ গেট্টো ইদু নেযেইনে পাত্তর্ ঢলা মারিনে মারে ফেলা পুরিবো। মিলেবোরে মারে ফেলা পুরিবো কিত্যে আদামত্ বা শঅর ভিদিরে থেইনেয়ো তে সাহায্যত্তে চিল্ল্যেচিল্লি ন-গরে, আর মরত্তোরে মারে ফেলা পুরিবো কিত্যে তে অন্য মোগোরে বরবাদ্ গোজ্যে। তমা ভিদিরেত্তুন এবাবোত্যে ভান্ন্যেইয়ানি তুমি শেজ্ গুরি ফেলেবা।
ইস্রায়েলর বেক্ গুট্টিগুনোর পত্তি একশত জনত্তুন দশজন, আজারত্তুন একশত জন আর দশ আজারত্তুন এক আজার জন মানুচ্ বেঈ নেযেবং। তারা যেইনে সৈন্যগুনোত্তে হানা-দানা লোই এবাক্; আর আমি বিন্যামীন চাগালাত্ গিবিয়াদত্ যেইনে ইস্রায়েল জাদঅ ভিদিরেত্তুন তারা যেদক্কানি গুন্দোমী কাম্ গোজ্যন্ সিয়েনির যগাজ্যে সাজা দিবোং।”
ကြော်ငြာတွေ