দ্বি’লম্বর বিররণ 22:1 - Chakma Bible

¹ তমার ইস্রায়েলীয় ভেইয়োর কনঅ গোরু বা ভেড়া পথ্‌ আরেইনে অন্য কনমিক্ক্যে যাদে দেগিলে তুমি অলর্ গুরি বোঈ ন-থেবা। তুমি হামাক্কায় সিবে তাইদু ফিরেইনে নেযেবা।

দ্বি’লম্বর বিররণ 22:1 ပူးပေါင်းရင်းမြစ်များ

গম্ উপদেজ্ 24:11

যিগুনোরে মরণ ইন্দি নেযা অর্ তারারে উদ্ধোর্ গর্; যিগুনে টল্‌তে টল্‌তে জবাই ওই যাদন্ তারারে রোক্ষ্যে গুরিবাত্তে অস্বিগের্ ন-গুরিচ্।

গম্ উপদেজ্ 27:10

নিজোর বা বাবঅ সমাজ্যেবোরে ছাড়ি ন-দুয়ো; দজাত্ পড়িলে ভেইয়ো ঘরত্ ন-যেয়ো; দূরোত্ থেইয়্যে ভেইয়োত্তুন্ কায়-কুরে পাড়াল্যেগুন্ গম্।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 34:4

তুমি বল্‌‌‌‌‌‌‌‌পোজ্যেগুনোরে সবল ন-গরঅ, অসুখ্যেগুনোরে গম্ ন-গরঅ, আহতগুনোরে ঘা-গানি বানি ন-দুয়ো। যিগুনে ভান্ন্যেই পধেদি যেইয়োন তারারে তুমি ফিরেই ন-আন বা আজি যেইয়্যে মানুচ্চুনোরে ন-তগঅ, বরং কড়া আর চিৎনপুজ্যেগুরি তারারে শাজন্ গোজ্য।

লেবীয় 20:4

মোলক দেবেদা ইদু পূঅ উৎসর্ব গুরিবার্‌ অক্তত্‌ যুনি দেজর্‌ মানুচ্চুনে সিয়েন্‌ দেগিনেয়ো ন-দেগন্‌ আর উৎসর্ব গুরিয়্যেবোরে মারে ন-ফেলান,

মথি লেখ্যে গম্ হবর্ 10:6

বানা ইস্রায়েল জাদর্ আজি যেইয়্যে ভেড়াগুনো ইধু যেয়ো।

মথি লেখ্যে গম্ হবর্ 15:24

জোবত্ যীশু কলঅ, “মরে বানা ইস্রায়েল-গুট্টির আরেয়্যে ভেড়াগুনো ইধু পাধা ওইয়্যে।”

১ করিন্হীয় 9:9

সিয়েনত্ লেগা আঘে, “শোজ্য মাড়িবার্ সময়োত্ বলদ মুয়োনত্ মোগোনি খাজা ন-বান্ন্য।” গোজেনে কি বানা বলদ কধা চিন্তে গরে?

দ্বি’লম্বর বিররণ 22:2

যুনি সে ভেইবো তমা ঘরর্‌ কায়কুরে কনজনে ন-অন্‌ বা ভেইবো কন্না সিয়েন যুনি হবর্‌ ন-পান্‌, সালে সিবে তুমি নেযেবা আর সে ভেইবো সিবে ন-তগানা সং নিজোর ঘরত্‌ রাগেই দিবা। তে এজানার পরেন্দি সিবে ফিরেই দিবা।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।