দ্বি’লম্বর বিররণ 21:5 - Chakma Bible

⁵ সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্‌বাদ ফগদাং গুরিবাত্তে আর কোল্‌-কোজ্জে আর মার্‌পিদোর বিচের্‌ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।

দ্বি’লম্বর বিররণ 21:5 ပူးပေါင်းရင်းမြစ်များ

১ বংশধর 23:13

অম্রামর পুয়োগুন অলাক্‌ হারোণ আর মোশি। হারোণ আর তা বংশধরুনোরে উমরত্তে গোজেনর নাঙে ফারক্‌ গরা অলঅ যেনে তারা মহাপবিত্র জিনিসছানির ভারান্‌ নেযেই পারন্‌, লগেপ্রভুর মুজুঙোত্‌ আগুনোত্‌ গোজ্যে উৎসর্ব পরব্‌পো গুরি পারন্‌, তা মুজুঙোত্‌ সেবা-কাম্‌ গুরি পারন্‌ আর তা নাঙে বর্‌ দি পারন্‌।

২ বংশধর 19:10

নানান্‌ আদামত্‌ আর শঅরত্‌ বজত্তিগুরিয়্যে তমা মানুচ্চুনো ইত্তুন্‌ যে কনঅ মামলা এদঅ সাৎ-সিয়েন্‌ লো ঝড়েদে ধোক্ক্যেন ওক্‌ বা রীদি-সুদোম, উগুম, সুদোম বা হুকুমোর্‌ বেপার ওক্‌-তুমি তারারে উজিয়ার গুরি দিবা যেনে তারা লগেপ্রভুর চোগেন্দি দুষী ন-অন্‌। সিয়েন্‌ ন-অলে তমারে আর তমা মানুচ্চুনো উগুরে লগেপ্রভুর রাগ্‌কান লামি এবঅ। তুমি এধোক্ক্যেন গুরিনে কাম্‌ গরঅ, সালে তুমি দুষি ন-অবা।

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

লেবীয় 9:22

সে পরেদি হারোণে মানুচ্চুনো ইন্দি আঢ্ বাবেইনে তারারে আশিদ্‌বাদ গুরিলো। তে পাপ-উৎসর্ব, পুজ্যে-উৎসর্ব আর উদোলোলি-উৎসর্বর্ অনুষ্ঠান্‌ থুম্ গুরিনে পূজোবোত্তুন্‌ লামি এলঅ।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

দ্বি’লম্বর বিররণ 18:5

কিত্যে তমার গোজেন লগেপ্রভু তমার বেক্‌ গুট্টিগুনো ভিদিরেত্তুন লেবীয়গুনোরে আর তারার বংশধরুনোরে বেঈ লোইয়্যে, যেনে তারা আমিঝে লগেপ্রভুর নাঙে সেবার কামানি গুরি পারন।

দ্বি’লম্বর বিররণ 19:17

মাত্তর্‌ সে পৌইদ্যেনে জোড়িত সে দ্বিজনরে সিদুগোর্ ধর্মগুরু আর বিচেরক্কুনো ইদু যেইনে লগেপ্রভুর মুজুঙোত্‌ থিয়্যে পুরিবো।

দ্বি’লম্বর বিররণ 21:4

যিয়েনত্ কনদিনঅ চাষ গরানা আহ্‌ বীজ্ ফেলানা ন অয় আর যিয়েনত্‌ এক্কান গাঙ্‌ বেঈ যার্‌, গোরু ছবোরে সেধোক্ক্যেন এক্কান কিঝিঙোত্‌ তারাত্তুন্‌ নেযা পুরিবো। সে কিঝিঙোত্‌ তারা গোরু ছবোরে গত্তনা ভাঙি দিবাক।