দ্বি’লম্বর বিররণ 21:4 - Chakma Bible

⁴ যিয়েনত্ কনদিনঅ চাষ গরানা আহ্‌ বীজ্ ফেলানা ন অয় আর যিয়েনত্‌ এক্কান গাঙ্‌ বেঈ যার্‌, গোরু ছবোরে সেধোক্ক্যেন এক্কান কিঝিঙোত্‌ তারাত্তুন্‌ নেযা পুরিবো। সে কিঝিঙোত্‌ তারা গোরু ছবোরে গত্তনা ভাঙি দিবাক।

দ্বি’লম্বর বিররণ 21:4 ပူးပေါင်းရင်းမြစ်များ

যিহিষ্কেল 36:9

মুই তমা তপ্পে আগং আর তমা ইন্দি মনযোগ দিম্; সেক্কে তমা উগুরে চাষ গরানা আর বীজি ফেলা অবঅ।

দ্বি’লম্বর বিররণ 21:3

মরাকিয়্যেগানত্তুন্‌ যে জাগাগান বেগত্তুন্‌ কায়-কুরে অবঅ সে জাগানর্‌ বুড়ো নেতাগুনোত্তুন্ এমন্‌ এক্কো গোরু ছঅ নেযা পুরিবো যিবেরে কনদিনঅ কামত্‌ ন লাগান্‌ আর যিবের কাঁনাদ কনদিনঅ জুঙোল্‌ দিয়্যে ন অয়।

দ্বি’লম্বর বিররণ 21:5

সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্‌বাদ ফগদাং গুরিবাত্তে আর কোল্‌-কোজ্জে আর মার্‌পিদোর বিচের্‌ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ শমূয়েল 6:7

“ইক্কিনে তুমি এক্কান নূয়ো গাড়ী বানঅ আর দুধ দেদে এবাবোত্যে দ্বিবে পাড়ী গোরু নেযঅ যিগুনোরে উগুরে কনদিনঅ জুঙোল্‌ দিয়্যে ন অয়। সিগুনোরে তুমি সেই গাড়িগানত্‌ বানি দুয়ো, মাত্তর্‌ তারার বাছুরুন তারাত্তুন্ সোরেনেই ঘরত্‌ নেযেবা।