দ্বি’লম্বর বিররণ 21:22 - Chakma Bible

²² যুনি কনঅ মানুচ্‌ মরণর সাজা পাইদ্যে ধোক্ক্যেন কনঅ দুজ্‌ গরে আর তারে মারে ফেলেইনে গাজত্‌ টাঙেনে রাগা অয়,

দ্বি’লম্বর বিররণ 21:22 ပူးပေါင်းရင်းမြစ်များ

পত্থম 40:19

এই তিন দিনো ভিদিরে ফরৌণে তঅ মাদাবো কাবি নেযেইনে কিয়্যেগান্‌ গাজত্‌ টাঙেই রাগেব, আর পেক্কুনে এইনে তঅ কিয়্যেগানত্তুন্‌ যেরা খুদি খুদি হেবাক্।”

২ শমূয়েল 21:10

অয়ার ঝি রিস্পা বস্তা নেযেইনে এক্কো পাত্তর উগুরে নিজোত্তে বিজেই রাগেল। পত্তম ফসল কাবানার অক্তত্তুন্‌ ধুরি আরাম্ভ গুরিনে যেদকদিন সং সে কিয়্যেগানি উগুরে আগাজত্তুন্‌ ঝড় ন-পড়িলো সেদকদিন সং তে দিনোত্ পেক্কুনোরে আর রেদোত্‌ ঝাড়্‌বো য়েমানুনোরে সেই মরাকিয়্যেগানি রোক্ষ্যে গুরিলো।

২ শমূয়েল 21:6

তা বংশর সাতজন মরদরে আমা আাঢত্‌ তুলি দে। আমি লগেপ্রভুর বেঈ লোইয়্যে সে মানুচ্চুনোরে, অত্তাৎ শৌলর শঅর্‌ গিবিয়াতদ্‌ লগেপ্রভুরে সাক্ষী রাগেইনে তারারে মারে ফেলেবং আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেবং।” সেক্কে রাজা কলঅ, “মুই তমা আঢত্‌ তারারে তুলি দিম্‌।”

২ শমূয়েল 4:12

ইয়েন কোইনে দায়ূদে তা মানুচ্চুনোরে উগুম দেনার পরেন্দি তারা যেইনে তারারে মারে ফেলেলাক্। তারা তারার্‌ আত্‌-টেঙানি কাবি ফেলেইনে কিয়্যেগানি বিব্রোণর পুয়োর্‌বো পারত্‌ টাঙেই দিলাক্। মাত্তর্‌ তারা ঈশ্‌বোশতর মাঢাবো নেযেইনে হিব্রোণত্‌ অব্‌নেরর গোরানত্ গারেলাক্।

গণাণা 25:4

লগেপ্রভু মোশিরে কলঅ, “তুই বেক্‌ ইস্রায়েলীয় নেতাগুনোরে ধুরিনে মারে ফেলা আর দিনো পহ্‌রত্‌ মঅ মুজুঙোত্‌ তারার্‌ কিয়্যেনি ফেলে রাগেচ্‌। সেক্কে ইস্রায়েলীয়গুনো উগুরেত্তুন্‌ মর্‌ সেই রাক্কান্‌ দূর অবঅ।”

মথি লেখ্যে গম্ হবর্ 26:66

তুমি কি মনে তারা জোব্ দিলাক্, “তে দুষী আর হামাক্কায় মারে ফেলা ওক্।”

মার্ক 14:64

তুমি তার্ অগমানর্ কধাগান শুনিলা, তুমি কি মনে গরঅ?” তারা বেক্কুনে তা বিরুদ্ধে ভোট্ দিলাক্: তে দুষী আর তারে মারে ফেলানা উচিত্।

লূকে লেখ্যে গম্ হবর্ 23:33

যে জাগানরে কুলো চারা কুয়ো অদঅ সিয়েনত্ লুমিনে তারা যীশুরে আর সে দ্বিজন্ দুষিরে ক্রুশোত্ দিলাক্-এক্কোরে যীশুর্ ডেনেদি আর এজজনরে বাঙেদি।

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 25:11

যিয়েন্ ওক্‌, যুনি মুই মরেদে ধোক্ক্যেন্ কনঅ দুষ্ গুরি থাং সালে মুই মুরিবাত্তেয়ো রাজী আঘং। মাত্তর্ এ যিহূদীগুনে মঅ বিরুদ্ধে যে দুষ্‌চানি দেদন্ সিয়েনি যুনি সত্য ন-অয় সালে ইগুনো আঢত্ মরে ইরি দিবার্ অধিকারান্ কনজনর্ নেই। মুই সম্রাট ইধু আবিত্তি গরঙর্।”

প্রেরিত্‌ 25:25

মাত্তর্ মুই দেগিলুং, মরণর্ সাজা দেদে ধোক্ক্যেন্ কনঅ দুষ্ তে ন-গরে। মাত্তর্ তে নিজে যেক্কে সম্রাট ইধু আবিত্তি গোজ্জ্যে সেক্কে মুই তারে সম্রাট ইধু দিপাধানা ঠিগ্ গোল্লুং,

প্রেরিত্‌ 26:31

সে পরেদি তারা সেই ঘরানত্তুন্ গেলাক্‌কোই আর একজন আরেকজনরে কুয়ো কি গুরিলাক্, “এ মানুচ্চো মরণর্ সাজা পেবার্ বা জেল্ খাদেদে ধোক্ক্যেন্ কিচ্চু ন-গরে।”

দ্বি’লম্বর বিররণ 19:6

সিয়েন ন অলে লো-গানর্ হেনা যিবের সুঝিবার কধা তে রাগে তারে লোড়েই পারে আর আশ্রয়-শঅর কায়-কুরে ন অলে তারে মারে ফেলেই পারে, যুনিয়ো মনত্‌ ইংসেলোই মারে ন ফেলায় বিলিনে মরানা তার পাওনা সাজা নয়।

দ্বি’লম্বর বিররণ 22:26

মিলেবো উগুরে তুমি কিচ্ছু ন-গুরিবা; মরণর সাজা পেবার মত কনঅ পাপ তে ন-গরে। ইয়েন্‌ একজন আর একজনরে ধুরিনে মারে ফেলানা ধোক্ক্যেন,

যিহোশূয় 10:26

সে পরেন্দি যিহোশূয় সে রাজাগুনোরে মারে ফেলেইনে পাচ্চো গাজত্‌ তারারে টাঙেই দিলো। বেল্যেমাদান্ সং তারার কিয়্যেনি গাজত্‌ টাঙেয়্যে রলঅ।

যিহোশূয় 10:27

বেলান্‌ ডুবিবার্‌ অক্তত্‌ যিহোশূয়র উগুমে মানুচ্চুনে গাজত্তুন্‌ তারার কিয়্যেনি লামেল আর যে গাত্তোত্‌ তারা পোল্ল্যেই এলাক্‌ সে ভিদিরে কিয়্যেনি ফেলেলাক্‌। গাত্তোর্‌ মুয়োনি তারা দাঙর্‌ দাঙর্‌ পাত্তর্‌ দিইনে নাঢি দিলাক্‌। সিগুন এজঅ‌ সিয়েনত্‌ আগন্‌।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।

১ শমূয়েল 26:16

তুই যিয়েনি গোজ্যস্‌ সিয়েনি কনমতে ঠিগ্ ন-অয়। জেদা লগেপ্রভুর নাঙে কঙর্, তুই আর তর্‌ মানুচ্চুনোর মরাণা উজিত্, কিত্যে তমার্‌ গিরোজ্‌, যিবে লগেপ্রভুর অভিষেগ্ গোজ্যে মানুচ্‌, তারে শত্রুর বিপক্ষে তুমি চুগি দিইনে ন-রাগঅ। রাজার মাদাবো ইদু তার যে সেল্‌লো আর পানির পিলেবো এলঅ সিগুন্‌ কুদু?”