দ্বি’লম্বর বিররণ 21:18 - Chakma Bible

¹⁸ যুনি কারঅ পূঅ একবুস্যে আর শাজন্ ন-মানিয়ে অয়, যুনি তে কনমতে মা-বাবর্‌ কধানি ন-শুনে আর তারার্‌ শাজন ন-মানে,

দ্বি’লম্বর বিররণ 21:18 ပူးပေါင်းရင်းမြစ်များ

২ শমূয়েল 7:14

মুই ওম্ তা বাপ্‌ আর তে অবঅ মর্‌ পূঅ। যেক্কে তে অন্যেয় গুরিবো সেক্কে অন্য মান্‌জ্যে যেধোক্ক্যেন্ সাজা পান সেধোক্ক্যেন গুরি মুই তারে সাজা দিম্।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যাত্রা 21:15

বাবরে বা মাবোরে যে আঘাত গরে তারে হামাক্কায়্‌ মারে ফেলা পুরিবো।

যাত্রা 21:17

যিবের্ কধালোই মা-বাব উগুরে অশ্রদ্ধা থায়্‌ তারে হামাক্কায়্‌ মারে ফেলা পুরিবো।

গম্ উপদেজ্ 1:8

পুয়োবো মর্, তুই তঅ বাব্‌‌পো উপদেজ শুনিচ্; তর্ মা দিয়্যে শিক্ষ্যেনি ভুলি ন-যেচ্।

গম্ উপদেজ্ 13:24

যে তার পুয়োবোরে সাজা ন-দে তে তারে কোচ্ ন-পায়, মাত্তর্ যে তারে কোচ্‌পায় তে তার শাজন ইন্দি মনযোগ দে।

গম্ উপদেজ্ 15:5

বাজে মান্‌জ্যে তা বাব শাজনানরে তুচ্চো গরে, মাত্তর্ উজিয়ার বলা মান্‌জ্যে সংশোধনর কধানি শুনে।

গম্ উপদেজ্ 19:18

তঅ পুয়োবোরে শামালা, কিত্তে সিয়েনত্ আজা আঘে; তা মরণান্ ঘোদেবাত্তে ন-চেয়ো।

গম্ উপদেজ্ 20:20

যিবের কধালোই মা-বাব উগুরে ভোক্তি ন-থায়, ঘুর্‌ঘুজ্যে আন্ধারত্ তা জিংকানিগান মিলেই যেবঅ।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

গম্ উপদেজ্ 28:24

যে কনঅ জনে মা-বাবঅ জিনিস চুর্ গুরিনে কন্দে, “ইয়েন অন্যেয় নয়,” তে ভস্ত গুরিয়্যেবোর্ সমাজ্যে।

গম্ উপদেজ্ 29:17

তঅ পুয়োবোরে শাজন্‌ গর্, সেক্কে তে তরে গমেডালে রাগেব আর তঅ পরাণানত্ হুজি দিবো।

গম্ উপদেজ্ 30:11

এবাবোত্যে বোউত্ মানুচ্ আগন্ যিগুনে এধোক্ক্যেন্- তারা বাবরে অভিশাব্ দুয়োন আর মাবোর্ মংগল ন-চান্,

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

যিরমিয় 5:23

মাত্তর্ এ মানুচ্চুনোর মনানি এক বুস্যে আর উল্লোমি। তারা ভান্ন্যেই পধেদি যেইয়োন।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 21:9

কনঅ ধর্মগুরুর্‌ ঝি যুনি বেশ্যেগিরির্‌ কারনে তলে পড়ে সালে তে তার্‌ বাপ্পোরে ফারগ্ গোজ্যে অবস্থাত্তুন্‌ সাধারণ অবস্থাত্‌ লামেই আনে। সে ঝিবোরে আগুনোত্‌ পুড়ি ফেলা পুরিবো।

দ্বি’লম্বর বিররণ 21:19

তো তার্‌ বাপ-মায় তারে তারার আদামত্‌ আর শঅরর্‌ গেদোত্‌ বুড়ো নেতাগুনো ইদু নেযেব।

দ্বি’লম্বর বিররণ 27:16

সে মানুচ্চো অভিশাবখেইয়্যে, যে মাবোরে বা বাবরে অসর্মান গরে। সেক্কে বেক্কুনে কবাক, আমেন।

দ্বি’লম্বর বিররণ 8:5

এ কধাগান্‌ তমার মনত্‌ বানি রাগেয়ো, বাপ্পো যেধোক্ক্যেন পূঅবোরে শাজন গরে ঠিগ্ সেধোক্ক্যেনগুরি তমার গোজেন লগেপ্রভু তমারে শাজন গুরিবো।

১ শমূয়েল 3:13

মুই তারে কঙর্‌, অন্যেয়র কারণে তার বংশবোরে মুই উমরত্যে সাজা দিবাত্যে যাঙর্‌। তে কোই পারিদো, তার পূঅগুনে নিজো মাদাগুনোর অভিশাব ডাগি আন্যন্‌, অদচ তে তারার্ বুদুলিবার্ চেট্টা ন-গরে।