দ্বি’লম্বর বিররণ 21:17 - Chakma Bible

¹⁷ যে মোক্কোরে তে কোচ্‌ ন-পায় তা পূঅবোরে তা সোম্বোত্তিত্তুন অন্য যে কনঅ পূঅত্তুন দ্বিগুণ ভাগ দিইনে সেই পূঅবো যে পত্তম পূঅ সিয়েন তাত্তুন স্বীগের্ গরা পুরিবো। সেই পূঅবোই তা বাবর্‌ মরদ পুঅ-বলর্‌ পত্তম ফল। পত্তম পূঅবোর অধিকারান তাত্তুনোই পাওনা।

দ্বি’লম্বর বিররণ 21:17 ပူးပေါင်းရင်းမြစ်များ

পত্থম 49:3

রূবেণ, তুই মঅ দাঙর্‌ পুয়োবো; তুই মর্‌ বল্‌, মঅ গাবুজ্যে বলর্‌ পত্তম ফল; তুই সর্মান আর খেমতা ইন্দি তঅ ভেইয়ুনোত্তুন্‌ উগুরে।

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

২ বংশধর 21:3

তারা বাপ্পো তারার্‌ সোনা, রূবো আর মংগা মংগা জিনিজ্‌ আর যিহূদা দেজত্‌ দেবাল-ঘিজ্যে আদাম্‌ আর শঅর্‌ দিয়্যে, মাত্তর্‌ যিহোরামে দাঙর্‌ পুয়ো বিলিনে তারে রেজ্যগান্‌ দিয়্যে।

গীতসংহিতা 105:36

সে পরেন্দি তে মিসরীয়গুনোর গাবুজ্যে বলর্ পত্তম ফল, অত্তাৎ দেজর্ বেগ পৌল্যে পুয়োবোরে আঘাত গুরিলো।

লূকে লেখ্যে গম্ হবর্ 15:12

চিগোন্ পুয়োবো তা বাবরে কলঅ, বাবা, মঅ ভাগ সম্বোত্তিগান্ মরে দে। সেক্কে সে মানুচ্চো তা দ্বিবে পুয়োরে সম্বোত্তিগানি ভাগ্ গুরি দিলো।

দ্বি’লম্বর বিররণ 21:16

মাত্তর্‌ সোম্বোত্তি ভাগ গুরি দিবার অক্তত্‌ যে মোক্কোরে তে কোচ্‌ ন-পায় তা পূঅবোরে বাদ দিইনে অন্য মোক্কোর পূঅবোরে পত্তম পূঅবোর পাইদে অধিকারান দেনা ন-চলিবো, কিত্যে যে মোক্কোরে তে কোচ্‌ ন-পায় তা পূঅবোই আজলে তার্‌ পত্তম পূঅ।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।